Gi Di Yehovah E Si Leki Warti Sani

A bijkantoro fu den Kotoigi fu Yehovah na ini Mosambik ben kisi a brifi di e kon now:

„Mi na wan boi fu seibi yari. Mi e go ete na lagiskoro. Mi e seni a moni disi di mi ben frudini fu di mi kweki wan pikin oso-fowru. Mi seri en fu 12.000 Meticais [wan Amerkan dala]. Mi e taki Yehovah tangi fu di a meki a fosi pikin oso-fowru di mi ben kweki oiti gro kon tron wan kakafowru. Mi ben sa wani meki unu gebroiki a presenti fu mi gi a wroko fu a Kownukondre fu Yehovah.

P.S. Mi papa ben yepi mi fu skrifi a brifi disi.”

Son sma e moksi a lobi fu gi sani nanga den sma di abi materia sani pasa marki. Ma te wi e leisi a Bijbel tori fu a weduwe di ben poti „tu pikin pisi moni di no abi furu waarde” na ini a monikisi, dan wi kan frustan taki a no a gi di sma e gi furu na a markitiki fu si efu sma lobi fu gi sani, ma na fu di den abi a yoisti eigifasi di e buweigi na ati.​—Lukas 21:1-4.

Yehovah e warderi ibri presenti di e komoto fu wan ati di lobi e trusu, èn a no abi trobi o pikin a de. Èn a e blesi den sma srefisrefi di e teki na eksempre fu en fu lobi fu gi sani, fu di den e gi a ten fu den, a krakti noso materia gudu fu den fu a bun fu en Kownukondre.​—Mateus 6:33; Hebrewsma 6:10.