Kresten Lobi​—A No wan Sani Di Sma E Taki Nomo

DI FAYA ben bron na oso fu a famiri Bartholomew na Trinidad, dan den lasi ala sani boiti den libi. Wan famiriman fu den di ben libi krosibei ben man gi den tanpresi, ma nanga dati a tori no ben kaba.

Olive Bartholomew na wan Kotoigi fu Yehovah. Den memre fu a gemeente pe a e dini — èn so srefi den kotoigi di e libi na ini a birti dati — bigin gi bijdrage fu bow na oso baka di en nanga en famiri ben lasi. Den seti wan komte fu luku a bow-wroko, èn a wroko bigin. So wan 20 Kotoigi, makandra nanga wan tu birtisma, ben de drape. Srefi yonguwan ben yepi nanga a wroko, ala di trawan ben de klariklari fu gi den sani fu dringi.

„Mi famiri no man bribi san e pasa”, Olive taki, soleki fa a Sunday Guardian fu Trinidad ben skrifi. „Den a no Kotoigi, èn te nanga now, a masra fu mi no sabi san a musu taki fu den sani di a e si e pasa.”

Na orgaman fu a bow-wroko di ben taki syatu fa sani ben waka nanga a wroko, ben poti krakti na tapu taki den sani disi di sma e du, fu tru na marki di e meki sma kon sabi tru Krestendom. „Wi no e go na sma oso soso fu taki fu lobi”, a ben taki. „Wi e pruberi fu du san wi e preiki.”—Yohanes 13:34, 35.

[Prenki na tapu bladzijde 32]

Olive Bartholomew nanga en masra