A feti di sma e feti baka gudu

„Efu wi wani moro nanga moro ala ten, dan noiti sani o sari wi.”—Wan boskopu fu a Worldwatch Institute.

„SAN wi wani? Ala sani. O ten wi wani en? Nownow.” Na so wan grupu heiskoro studenti ben lobi fu taki na ini den yari baka 1960. Kande sma no e taki a sani disi moro na ini a ten disi, ma toku a denki disi de ete. Iya, a feti di sma e feti baka gudu na wan prenspari marki fu a ten fu wi.

Fu feti baka moni èn furu gudu, kon tron a moro prenspari sani gi furu sma. Jimmy Carter, di ben de wan fu den presidenti fu Amerkankondre, ben taki wan leisi: „Tide na a dei, a no den sani di wan sma du e meki a kisi biginen, ma a e kisi biginen te a abi furu moni.” Moro warti sani de leki gudu? Efu disi de so, dan san na den sani disi, èn sortu wini den e tyari kon gi sma?