Gi den yonguwan

Abi warderi gi santa sani!

Den sani di yu musu du: Te yu e leisi a pisi disi, dan du dati na wan tiri presi. Te yu e leisi den Bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Yu sabi fa den moro prenspari sma na ini a tori e firi? Si a tori neleki a e pasa trutru na yu fesi.

Den moro prenspari sma: Isak, Rebeka, Yakob nanga Esau

A tori: Esau e seri a reti di a abi leki fosi pikin gi en twelengi brada Yakob.

1 PRUBERI FU SI SAN E PASA.—LEISI GENESIS 25:20-34.

Sortu fasi Yakob nanga Esau ben sori, srefi di den ben de na ini den mamabere?

․․․․․

Fa yu denki taki Yakob nanga Esau ben de di den ben de yonkuman?

․․․․․

Fa yu denki taki Yakob nanga Esau ben firi di den ben abi a takimakandra di skrifi na ini vers 30 te go miti 33?

․․․․․

ONDROSUKU A TORI MORO FINI.

Gebroiki tra publikâsi di yu abi èn pruberi fu kon sabi moro fu den reti di a fosi manpikin ben abi. Fu san ede den reti disi ben de prenspari? San a ben wani taki efu wan sma ben seri den reti disi gi wan komki nyanyan?

․․․․․

2 PRUBERI FU SI SAN E PASA.—LEISI GENESIS 27:1-10, 30-38.

Efu yu ben o yere a sten fu Esau di a kon sabi taki en brada ben kisi a blesi fu a fosi pikin, dan fa yu denki taki a ben firi?

․․․․․

ONDROSUKU A TORI MORO FINI.

A ben de wan fowtu sani di Rebeka nanga Yakob meki sani waka na so wan fasi taki Yakob ben kisi a blesi? Fu san ede yu e denki so? (Luku Genesis 25:23, 33.)

․․․․․

3 DU SAN YU LERI. SKRIFI DEN SANI DI YU LERI FU . . .

Den bakapisi di wan sma kan abi te a teki wan bosroiti fu plisi ensrefi wantewante sondro fu denki fu a tori.

․․․․․

TRA SANI DI YU KAN LERI FU A PISI TORI DISI.

Sortu santa sani yu kisi?

․․․․․

Na sortu spesrutu fasi yu kan sori taki yu e warderi santa sani?

․․․․․

4 SORTU SANI NA INI A TORI DISI YU BEN FENI MOI, ÈN FU SAN EDE?

․․․․․

Efu yu no abi wan Bijbel, dan aksi Yehovah Kotoigi fu kisi wan