Yesus „e puru a sondu fu grontapu”

Yohanes a Dopuman ben taki dati Yesus „e puru a sondu fu grontapu” (Yohanes 1:29). Den wortu dati e poti prakseri na a sani di Yesus o du fu frulusu den sma di e gi yesi na Gado.

Ma fu san ede Yesus ben musu dede fu man frulusu sondu libisma?

San a ben man du fu di a ben de klariklari fu gi en libi?

Suma e kisi wini fu a dede fu en?

Sortu wini yu kan kisi fu a dede fu Yesus?

Ibri yari, Yehovah Kotoigi e kon makandra fu memre a dede fu Yesus. A yari disi wi sa memre a dede fu en tapu sonde 17 april, baka te son dongo.

Yehovah Kotoigi e gi yu wan switi kari fu kon makandra nanga den fu kon sabi o prenspari a dede fu Yesus de. Nanga yepi fu Bijbel, wi o kisi piki tapu den aksi di skrifi na tapusei.

Yu kan go na a presi di de moro krosibei fu yu oso. Grantangi aksi Yehovah Kotoigi na ini a kontren o lati èn pe a konmakandra disi o hori.