Joe e tesi na prisiri foe na gobaka-wroko?
1 Let bifo Jezus gwe libi na grontapoe toneel, a gi en bakaman na komando di ben wani taki foeroe foe „meki sma foe ala naatsi tron discipel” (Matt. 28:19, 20). Wi alamala kan wroko na a kontroe foe na komando te wi go baka na sma di ben sori belangstelling. A marki foe wi no de soso foe prati boekoe ofoe tijdschrift, ma foe lobi ede gi wi naaste, wi wani so te foe jepi sma foe soekoe na libi èn a boen wani foe Gado. — 2 Kor. 2:17-3:3.
2 Te wi e tjari wan go baka, a boen foe sreka wisrefi a fesi finfini. Wan toe fundamenti rede de foe saide wi wani gobaka: (1) Wi wani jepi na ososma sote foe kisi moro bijbel sabi. (2) Wi wani bigin efoe a kan wan osobijbelstudie. (3) Wi wani presteri moro boekoe ofoe tijdschrift di wi denki dati a kan jepi na sma moro fara. (4) Wi wani proberi foe kweki wan matifasi banti foe fertrow. Fa joe ben sa kan doe? Sreka a fesi wan sani foe a tori di joe ben froewakti dati na ososma sa abi gridi foe en. Den sani di joe ben skrifi tapoe joe oso na oso rapport sa jepi joe ini disi séker. Aksi joesrefi: San sa poesoe na sma foe ontvange mi foe taki nanga mi? Mi e sori waran belangstelling gi na tanboen foe en? Prakseri taki na marki foe wi de foe jepi na sma foe sabi moro foe den Santa Boekoe. — Tori. 18:11; 1 Petr. 2:2.
3 Wan tra marki de foe demonstreer wan studi efoe dati fiti. Soboen de srekasreka ooktoe foe doe disi. Sortoe kapiter joe wani foe gebroiki? Sortoe bladzijde sortoe paragraaf? No denki dati ala geval joe de verprekti foe demonstreer wan studie ofoe dati joe misi a marki efoe disi no luk. Sontron a de teki ten foe wini na foertrow foe wan sma ofoe foe bow troetroe belangstelling gi jeje afersi. Ma de sreka-sreka foe gebroiki na okasi efoe disi sori ensrefi. Proeberi foe a sma kari joe kon na inisé, bikasi dan na ososma sa firi ensrefi moro switi. Sontron a de nofo dati joe bigin nanga na studie sondro foe joe kari a wortoe studie ofoe foe poti spesroetoe prakseri a tapoe dati joe e studeri nanga en. Proberi foe poti wan toe ede-prakseri go na ini na froestan foe a sma èn meki wan aksi tan na baka di ben sa kan loekoe a tra tron. Seti sani foe wan tra mofo.
4 Gebroiki joe ai boen ini a tori foe den omstandigheden. Den pikin froeferi pikinso? A sma no de korostoe foe di fisiti sa kon? A ben de tapoe a punt foe gwe? Sori switifasi èn kande a de ondro den omstandigheden dati moro betre foe taki dati joe e kon wan tra tron baka. Go ondrosoekoe joe fisiti baka te joe gwe: Joe ben doro a marki foe ferteri a sani di joe ben sreka joesrefi foe en na fesi? Joe ben de tactvol nofo? Joe no ben meki en toemsi langa?
5 Soema joe ben kan jepi ini a tjari foe boen go baka èn na hori foe boen osobijbelstudie. Joe gemeenteboekoestudieleider. A sa gi tranga a ibri memre foe en pikin groepoe foe teki prati fajafaja na a wroko disi. A e feni en wan moi sani toe foe go nanga joe ini na tjari foe go baka èn na hori foe bijbelstudie. Joe kan go foe na tori disi na joe gemeente boekoestudieleider. Nanga na lobi jepi foe en sé joe sa man foe gi wan „finfini kotoigi” (Tori. 10:42). A abi belangstelling alaten foe sabi soema e hori wan osobijbelstudie èn fa a bijbelstudie e go na fesi. Ooktoe a sa jepi den sma foe en groepoe di de kaba nanga na gemeente foe abi wan geregelde osofamiri-bijbelstudie, èn kande a kan gi jepi te ai poti prakseri na trowpatna ofoe tra famiriman di no e bribi. Foedi na wroko foe na gemeente boekstudileider de someni, meki na Genootschap skrifi ala gemeente boekoe-studieleider wan moi brifi, makandra nanga wan toe moi sani foe hori na prakseri. Den de soboen srekasreka foe jepi joe.
6 Gi foeroe sma a de alaten wan boen jepi efoe wan faste ten poti foe tjari go baka. Aladi heri boen go baka kan tjari na a kaba foe wan bepaalde velddienst ten, a ben taki ooktoe efoe ibri gemeente boekoestudie ben sa abi wan faste go baka-neti. Boen mofo kan meki foe wroko makandra ini na tak disi foe dienst, aladi na studieleider de ini na okasi foe teki fesi ini disi èn kande kan gi wan toe boen rai bifo den hari go na ini na dienst.
7 Den oso foe den sma de den moro boen presi foe gi leri èn foe meki discipel (Tori. 15:36). Meki wi sorgoe boen gi na belangstelling di wi feni, foe di wi e go es’esi baka, ini wan toe dé kaba, foe gi sma leri na a fasi fa den moe graboe na troetroe libi disi hori. Na moi njoen boekoe de wan heri boen jepi foe meki moro discipel èn tesi na prisiri di a wroko disi e tjari nanga en.