Presteri a boen njoensoe — Nanga jepi foe agersitori
„Ala den sani disi Jezus taki gi den ipi sma nanga jepi foe agersitori” (Matt. 13:34). Jezus froestan na waarde foe den. Agersitori kan hori na prakseri foe wan arkiman, èn poesoe na denkipowa foe en. Èn san de prenspari gi wi sosrefi toe gi na presteri foe na boen njoensoe de dati den kan seki na firi foe wan sma èn kan de wan jepi foe doro na ati.
2 Son agersitori de wortoe, trawan de troetroe prenki. Spesroetoe na district-congres foe 1982 wi abi wan boen fonten foe toemsi boen agersitori gi wi velddienst. Pe? A toemsi moi boekoe Joe kan libi foe tégo na ini wan paradijs na grontapoe. Na prenki tapoe bladzijde 3 foe a boekoe disi sa seki na ati foe someni sma di de foe boenwani. Te wi naki den blad moro fara ini a bookoe disi dan wi e firi enthousiast foe den boen foeroe PRENKI di e meki na prati foe na boekoe de wan makriki afersi ma di sosrefi toe de foe bigi waarde foe a gi foe leri moro fara. Sondro degedege someni ofoe foeroe foe den boekoe disi ben prati ini den moen di psa. San wi kan doe now foe jepi den sma moro fara?
3 Den prenki ini na boekoe disi nanga boen foeroe sorgoe den ben meki den no soso foe wiki na belangstelling gi na boekoe ma sosrefi toe foe kan gebroiki leki wan jepi ini na gi foe leri. Na tekst di de na den agersitori prenki e tjari a leri go extra abra na den sma. Leki wan eksempre foe disi kande wi ben sa kan gebroiki den lo prenki tapoe bladzijde 14 te go miti bladzijde 158. Den fosi prenki tapoe bladzijde 149 e bigin nanga den marki foe na „ten foe na kaba” ini den prenki foe bladzijde 150 te go miti 153 e tjari tapoe toemsi moi fasi den marki di a bijbel e kari. Moro fara den prenki èn den tekst di de na den sé foe bladzijde 156 te nanga bladzijde 158 e meki wi si san na ten di e kon abi foe tjari gi den libisma di lobi Gado. Nanga jepi foe na toemsi moi jepi disi foe leri sma, prenki nanga tekst na den sé a sa luk ini foeroe geval foe wiki na belangstelling gi wan osobijbelstudie.
4 Agersitori ofoe prenki sosrefi toe kan gebroiki na wan boen fasi ini na prati foe tijdschrift èn a sroto foe abonnement. Wan opziener di e waka lontoe loekoe gemeente presteri wan oema wan abonnement tapoe Na Wachttoren foe ben kan jere dati a no abi belangstelling. A brada di ben de srekasreka tapoe sowan sortoe piki, poti en prakseri tapoe wan prenki ini a tijdschrift èn teki a ten foe bodoi san a wani taki foe di na oso-oema ben Ioekoe ini prakseri na a prenki. A teki wan abonnement. Foe san-ede? A takmakandra na a bigin no ben graboe na prakseri foe en nofo hori, ma na gebroiki foe wan prenki ben doro en ati èn a „si” a waarde san den ben taki.
5 Wan boen gebroiki foe agersitori ofoe prenki di de ini den boekoe foe na Genootschap, sa meki dati opregti sma ini disi ten „froestan san a bijbel boskopu wani taki, neleki fa disi ben de so nanga opregti sma ini Jezus ten”. — Matt. 13:51-53.