’Tan farawe foe broedoe’

Den datra na ini foeroe kontren e sori den laatste jari moro foeroe taki den e kon ferstan te Jehovah Kotoigi di de bigisma e wégri broedoetransfusie. Ma a pikinnengre den datra e tan na tapoe na prakseri taki den papa nanga mama no abi na reti foe wégri taki den gi den broedoe. Foeroe papa nanga mama foe dat’ede ini den jari di psa den poeroe na ini a makti foe den leki papa èn mama èn den pikin foe den ben kisi wan broedoe transfusie ondro dwengi.

Foe kan wégri foe kisi wan broedoe transfusie na tjari foe na karta DATRA BODOI de toemsi prenspari. Sosrefi toe joe osodatra moesoe sabi joe bosroiti di joe teki na ini na gebroiki foe broedoe. Joe abi wan tra osodatra, aksi dan na a boekoetafra foe na brifi gi a datra di nen „Broedoetransfusie foe san-ede no gi Jehovah Kotoigi?” Efoe ini a gemeente den no de moro dan joe kan bestel den na wi.

Sontron datra e proberi foe taki nanga brada foe den bribi wan sani di de a pasa a wet foe Gado. Na so noiti wan sma wan toe wiki bifo den opereer en moe meki den teki broedoe foe en sodati na a ten foe na operatie den kan gi en wan transfusie. Datra e taki sontron: „O, moro kotoigi de di e doe dati èn a Genootschap foe joe e agri nanga dati.” Na komando foe bijbel e de: ’Tan farawe foe broedoe’ èn na ini disi sosrefi toe na égi broedoe, di den o teki poti sribi.

Na Genootschap abi wantoe bodoi foe datra di na ondro bepaalde kondisi de klari foe doe hebi operatie sondro broedoe. Efoe dati de fanowdoe, dan oen kan aksi foe kisi den nen foe den sortoe datra disi. Dati wi e gi den nen disi no wani taki taki wi e rikomanderi den datra disi. Sortoe datra wan sma wani teki de wan sani di ensrefi moe bosroiti. San de prenspari na dati wan sma ferteri en datra krin taki na ondro no wan kondisi en wani teki wan broedoetransfusie.