„Efoe wi e libi dan wi e libi gi Jehovah”
1 A e gi wi foeroe satisfaksi foe go denki leki dienstknegti foe Gado foe a marki foe wi libi. Foe na matifasi foe wi nanga Gado, meki wi no e libi gi wisrefi moro soleki disi de nofotron so nanga grontapoe, ma wi e libi gi Jehovah nanga na marki foe gi èn grani. — Rom. 14:7; 1 Petr. 2:9; 4:2.
2 Na ini na kondre foe den meti a instinct foe den e tjari den foe den kan tan a libi, ma nanga libisma a de tra fasi. Libisma no e libi wawan foe tan na libi, ma den kan doe wan aparti sani nanga a libi dati. Tokoe wi e miti nofotron sma di te joe loekoe en boen e doe net soleki den meti foe di den poti densrefi a tapoe foe feti baka prisiri ofoe feti na baka wan grontapoe wroko.
3 Ma na apostel Paulus toe e ferteri na tapoe na sani disi taki disi no de so nanga kristensma. Na lostoe di de moro foeroe libi de foe gi Jehovah grani. Foe dat’ede meki na lostoe disi moesoe de ini wi a sani pe ala sani na ini wi libi e drai lontoe en. A sa abi krakti na ini den tori di den jongoewan e leri na skoro fa, wi moe doe nanga wi fakansi, san wi moe doe nanga wi fri ten. Solanga wi e libi, dati kan de boen langa, dan wi abi na grani ’foe libi gi Jehovah’. — Rom. 14:8.
4 Sontron a boen foe tan tanapoe pikinso èn loekoe san wi e doe nanga wi libi en aksi wisrefi efoe wi e libi troetroe gi Jehovah (2 Kor. 5:15). A sa tjari alaten winimarki gi joe, efoe joe de now fri foe tjari bigi kenki kon na ini joe persoonlek libi di e kon ofoe dati joe frantwortoe de so dati joe skotoe na ini na tori foe den kenki disi. Na ondrosoekoe foe joe kande sa meki joe firi boen efoe joe e si taki joe ben teki foeroe bosroiti kaba a ini na lostoe foe joe foe doe a wani foe Gado di abi krakti na tapoe disi. Kande joe si njoen okasi ini a ten di e kon foe libi moro boen dorodoro ’gi Jehovah’. — 1 Thes. 4:1.
5 Aladi kristensma di gi densrefi abra de bedinari foe na boen njoensoe, tokoe den alamala no ben seti den omstandigheden so taki den de foeroeten prékiman, soleki disi de nanga pionier. Tokoe a e meki ala sma ati prisiri foe sabi, taki someni man foe doe san ibri lepi kristen e angri foe doe, namkoe foe libi gi Jehovah ini sowan dienstgrani leki na pionierdienst.
6 Efoe na ini wi aktiviteit wi e libi gi Jehovah dan wi kan de séker taki a sa feni wi boen èn a sa blesi wi. Efoe wi ben sa kan koti afoe f’a ten di wi e gi na wi aladé broko-ede, den kande wi ben sa man foe meki wi aktiviteit foe gi Gado grani kon moro foeroe, èn dati ben sa meki wi tégo tanboen kon a fesi. So wi kan meki kon na krin moro nanga moro o bigi wi warderi de gi a marki di wi poti na ini a libi. Soleki na Psalmsingiman e taki na ini Psalm 33:1: „Opo wan prisiri babari o regtvaardikiwan foe Jehovah ede. Foe na sé foe den regtvaardikiwan wan prijse singi.”