Wan heri boen ten foe wan ekstra moeiti
1 Ini a ten di psa den moen april nanga mei ben de heri boen moen foe doe dienst leki jepi-pionier. A jari disi kande den sma di abi wan grontapoe wroko heri dé sa abi na prakseri taki april sa de wan heri boen moen foe poti 60 joeroe noso moro gi na dienst. Den di no ben man foe seti den afersi na so wan fasi, kande den feni taki mei de wan heri boen moen gi den. Nanga aladi a moen mei foe a jari di psa ben abi nomo fo weekend, tokoe wan moi ipi jepi-pionier ben de. Joe sa man foe gi ten foe 60 noso moro joeroe ini a velddienst? Efoe dati de so, dan foeroe blesi e wakti joe.
2 Wan brada nanga wan heri dé wroko ben kon na a bosroiti taki a ben kan go na ini na jepi-pionierdienst foe di a ben bigin froekoe mamanten ini bisniskontren nanga na prékiwroko. A brada disi ben feni prisiri na ini foeroe moi ondrofeni di a ben hori mamanten bifo a ben go na en grontapoe wroko.