Moro kewone pionier de fanowdoe
1 Den pionier ini foto Paramaribo e doe boen èn foeroe wroko èn wi e prisiri troetroe nanga a de di den de èn nanga den jepi. Ma wan bigi fanowdoe foe abi pionier ini den district de toe èn na wan ondrosoekoe di wi ben doe kon na krin taki, pikinmoro ala kewone pionier de na ini foto èn kontren. Foe taki en fa a de precies: Toe pionier de na Lelydorp, no wan pionier na Onverdacht, wán pionier na Moengo èn kontren, no wan pionier na Wageningen, no wan pionier na Nickerie nanga birti èn dan wi e taki nomo foe den gemeente èn no foe den presi di no abi gemeente (geïsoleerd).
2 Foe san-ede disi de so? We, gi foeroe sma na gewone pionierdienst ini na district de wan tjalansi. Sontron den pasi di den moesoe naki langa noso na nomroe sma di e libi ini wan bigi kontren pikin. Foe di den gemeente ini den district nofotron pikin, a no alaten joe kan feni wan patna foe go wroko nanga en. Dan den mogelekheden foe kisi wan pikin bakafinga no de so meni toe alaten. Wi ben sa kan kari moro negatief punt, ma na a tra sé a de so, dati den sma na ini den district nofotron abi moro foeroe ten foe arki, èn dati joe kan go taki moro koemakriki nanga den. Ooktoe na tirifasi di de na ini wan district nofotron e meki en moro switi foe go oso foe oso na wan geconcentreerde fasi. No wan sani di e stoor foe di na pasi druk noso foeroe sma de.
3 Efoe troetroe joe kan prakseri foe a pionierdienst leki na a soekoe na skapoe — leki na wroko na ini wan djari, pe joe e prani èn e gi watra èn e sorgoe foe en — èn joe e wroko nanga na marki na prakseri foe tjari go-baka èn opo studie, dan leki pionier joe sa abi foeroe prisiri ini den district èn den bakapisi no sa tan a doro. Den pionier di e wroko na ini den district, ben ondrofeni disi kaba.
4 Go taki pikinso nanga den owroeman foe den mogelekheden, noso nanga na kringopziener efoe a e fisiti joe gemeente. Ooktoe ai gi toe dek’ati te tapoe kringkomakandra noso congres joe taki nanga den sma di de pionier kaba. Meki den ferteri pikinso san den ben doe foe bigin pionier, san den ben gi op èn san den ben kisi baka foe di den ben tan hori doro na ini.