Wantoe sani
● Boekoepristeri foe december: A libi disi-boekoe foe wan bijdrage foe Sf 1,00. Januari: Libi — fa a doe kon nanga evolutie ofoe mekiwroko? foe wan bijdrage foe Sf 5,00. Ooktoe Kownoekondrenjoensoe nr. 33 sa prati. A kan gebroiki foe bigin na pristeri foe a boekoe, a kan libi a baka efoe den sma no de na oso, noso a kan libi foe soso a baka gi ibriwan sma di wani foe lési en troetroe. Februari nanga maart: Abonnement tapoe Na Wachttoren foe wan bijdrage foe Sf 7,00. Efoe sma no e teki wan abonnement, dan toe tijdschrift èn wan eksemplaar foe na brochure Na tiri di sa tjari wan paradijs kon sa pristeri foe wan bijdrage foe Sf 0,60.
● Foe bigin nanga den fosi komakandra tapoe publiki taki, Wachttorenstudie, dienstkomakandra nanga theokratis diniwrokoskoro di e hori ini na moen januari 1986, dan tapoe den komakandra disi den singi sa singi foe na njoen singiboekoe. Te na gemeente e gebroiki cassette-album foe gi pokoe, dan wi e rai a brada di e sorgoe foe pokoe foe lési den bodoi heri boen.
● Te njoen singi e pré, nanga san den brada nanga sisa no gwenti ete foe sabi den, e gebroiki tapoe den gemeentekomakandra, kande a boen dan foe meki a pokoe pré te na a kaba foe na fosi couplet ofoe refrein èn bakadati drai na cassettebanti go baka na a bigin foe a singi bifo den bigin foe singi. Ooktoe na pokoe foe den njoen singi kan pré safoe bifo èn na baka den komakandra. Disi sa jepi den brada nanga sisa foe kon leri sabi den njoen melodie.
● Wi wani memre den brada nanga sisa foe te den e doe na oso foe oso-wroko foe skrifi den adres foe den oso sma di e taki wan tra tongo, boen, èn foe lever den ini na a gemeente. Gebroiki foe disi na X-14 formulier (Adres foe sma foe dorosékondre. Te wi e kisi den adres disi wi sa seni den go na den difrenti dorosékondre gemeente nanga groepoe ini wi kondre. Disi de so gi ala dorosékondre tongo. Na heri boen sorgoe foe oenoe na na sé disi wi e warderi heri boen èn a e meki a kan taki den dorosékondre gebiedsystema e kon de volledig, nanga san wi kan sorgoe moro boen gi den fanowdoe foe den sma disi.
● Na jaritekst foe 1986 de: „Go . . . èn meki a Kownoekondre foe Gado bekènte na alasé”. — Lukas 9:60.
● Jariboekoe foe Jehovah Kotoigi 1986. Prékiman nanga pionier, tangitangi bisteri oenoe Jariboekoe nanga jepi foe na gemeente. Den gemeente moesoe tjari den bisteri foe den Jariboekoe kon na wan now. Seni den tapoe 1 november 1985 noso so gaw leki a kan baka dati na bisteri disi go na a Genootschap tapoe na normaal bisteri-biljet foe boekoe (S-14). Den Jariboekoe sa de foe kisi ini Deens, Doisritongo, Ingrisitongo, Fintongo, Grikitongo, Fransitongo, Italiantongo, Japantongo, Koreantongo, Bakratongo, Noorwegentongo, Potogisi, Spanjoro nanga Zwedentongo. Te leki den Jariboekoe de foe kisi èn den seni kon, dan den sa skrifi den leki „den o seni kon bakaten” tapoe na faktuur. Den gemeente moesoe bisteri nomo na aantal Jariboekoe foe san den ben skrifi den aksi. Den no moesoe seni moni foe pai makandra nanga na bisteri foe na gemeente. Den Jariboekoe de „artikel di no de foeroe ini kasi” èn tapoe na lektuurrekening den sa poti den tapoe faktuur foe Sf 2,00 foe wan, san de na prijs gi prékiman nanga dorosésma. (Loekoe Prijslijst paragraaf 22-24.) Den gewone nanga spesroetoe pionier di den nen ben skrifi kaba foe bifo 1 juli 1985 taki den de pionier, kan kisi wan eksemplaar foe soso, nanga san na gemeente kan aksi crediet tapoe na formulier Overmaking nanga aksi foe creditering (S-20). Pionier kan bai ekstra eksemplaar foe Sf 1,00 foe wan. (Opmerking gi na sekretarsi: Tangitangi taigi na gemeente wantewante so esi leki te oenoe kisi den Jariboekoe, sodati ibriwan sma di ben bisteri kan kon teki den eksemplaar.)