Pristeri na boen njoensoe — Na brok’ede foe wi gi sma di no de na oso
1 Foe kan jepi sma nanga wan opregti ati foe njan boen foe a Kownoekondreboskopoe, dan wi moe taki nanga den. Ma ai kon de moro moeilek foe miti sma na oso. Nofotron wi e si na ini wi prékiwroko dati a moro bigi pisi foe den sma a déten no de na oso èn disi de spesroetoe tapoe den mindri wiki dé.
2 Te wi e wroko a gebied, dan wi moe skrifi wan bericht foe den sma di no de na oso. Kande joe ben feni en wan boen sani foe libi tapoe na oso foe oso rapport moro leki wan regel opo, sodati nofo presi e tan abra foe skrifi tra sani te ini a ten di e kon moeiti e doe baka foe fisiti den sma dati di no ben de na oso. Te joe e sorgoe dati joe rapport de netjes èn tra sma kan lési en, dan no wawan dati dati sa de boen gi joesrefi, ma ooktoe gi tra sma di kande e gebroiki en foe gobaka tapoe ten di joe no de ini a okasi foe doe dati.
3 Te joe e skrifi foe wan sma di no ben de na oso, sorgoe dan dati boiti na datum joe skrifi ooktoe foe lektuur di kande joe skoifi ondro a doro ofoe joe ben poti na ini a brifi bus. Efoe joe libi wan traktaat a baka, dan a ben sa boen foe skrifi a nomroe foe a tractaat. Na sofasi wan tra tractaat kan libi na baka efoe a sma dati na wan tra fisiti no de baka na oso. Te foe kaba te joe miti a sma na oso, dan joe sabi kaba san a abi èn dati ben sa de dan a fundamenti foe wan switi takmakandra.
4 Efi wan sma a wan okasi a fesi no ben de na oso, dan nofotron a de moro boen foe proeberi go baka tapoe wan tra dé ofoe wan tra joeroe. Kande joe e feni na mofoneti moro sma na oso. Efoe joe no kan gi wan heri mofoneti na a wroko disi, joe ben proeberi dan wan dé foe go froekoe na den gemeente komakandra èn te joe de na pasi e go foe go a den sma di no ben de na oso? Te joe ben wroko na ini joe égi birti, dan disi no ben sa teki foeroe ofoe nowan ekstra ten ofoe kostoe foe reis. A no de foe taki dati ook trawan na ini na gemeente kan go baka na den adres, èn den e gebroiki den bodoi tapoe joe oso foe oso rapport, ofoe a kan de dati den abi den égi adres di no ben de na oso na a srefi gebied dati.
5 Efoe joe e prakseri go-kon ofoe joe o libi lektuur na baka na den adres pe sma no de na oso, sorgoe dan dati joe no libi nowan sani a baka di sma di wani broko go na ini na oso man foe si. Wi no wani doe noti di ben sa kan tjari problema kon gi na ososma ofoe san ben sa poti wan takroe leti a tapoe na kownoekondre-boskopoe.
6 Omoro wi e proeberi foe miti nanga ala sma ini wi gebied, èn nanga dati e doe foeroe moeiti foe kan taki troetroe nanga ala sma, omoro wi kan de séker dati Jehovah sa blesi den moeiti foe wi foeroe.