Aksidosoe

● Fa wi kan jepi bijbelstudie foe kon so fara foe kisi dopoe leki discipel foe Jezus Kristus?

Disi kan doe moro boen te (1) wi e hori wan geregelde èn progressief osobijbelstudie (2) Wi e gi den dek’ati foe fisiti èn teki prati na den féfi ala wiki gemeente komakandra, (3) wi e jepi den èn e gi leri na den foe abi wan prati di wani taki wan sani na a velddienst.

Jezus ben gi en bakaman na komando foe meki discipel foe dopoe den èn foe leri den foe hori en komando. Na gebod disi abi krakti te na a dé foe tide ete, soleki den wortoe di e kon now e sori: „Èn loekoe! mi de nanga oenoe aladé te na a bosroiti foe na seti foe sani.” — Matt. 28:19, 20.

Wan discipel na wan sma di e teki den leri foe wan trawan èn e meki a go a fesi fajafaja. Den sma di e teki dopoe, foe dat’ede no wawan ben moe kisi wan fundamenti sabi foe na waarheid, ma moe sori kaba nanga den fasi foe libi dati den e ferstan Jehovah regtvaardiki markitiki èn e libi ini akroederi nanga dati. Dan e kon a tapoe ete dati den no moe erken wawan leki discipel foe Jezus Kristus, Jehovah organisaatsi di wi kan si, ma ooktoe na makti foe Jezus Kristus soleki na „getrow èn koni srafoe” e sori dati (Matt. 24:45-47; Tori. 1:8). Foe di den e ferstan na tranga fanowdoe foe wi ten, meki den moksi densrefi na Jehovah pipel na ini a doe foe na wroko di Jezus ben bigin nanga en èn di a ben gi abra na en bakaman (Luk. 8:1; Matt. 21:14). Na dopoe na ini watra di den discipel e ondrofeni, de wan dorosé symbool dati den ben gi densrefi abra krinkrin na Jehovah Gado. — Teki gersi Psalm 40:8.

A boen foe hori na prakseri dati wi e jepi bijbelstudenti foe tron discipel foe Jezus Kristus èn no discipel foe wi. Efoe foe na réde foe persoonlek omstandigheid, a ten di de, natuurlek koni, ofoe tra fundamenti sani e sori, dati wi no man foe jepi na bijbelstudenti foe tjari na fanowdoe kenki kon foe tron wan discipel, dan wi moe taki a tori nanga den owroeman. Kande den kan jepi wi nanga praktis rai sodati wi kan meki na jeje gro foe na studenti go na fesi ini akroederi nanga den wortoe foe na apostel Paulus na ini 1 Korinte 3:5-9.

Wi moe go doro nanga na bijbelstudie te leki wi studeri krinkrin den toe boekoe Joe kan libi foe tégo na ini wan paradijs na grontapoe èn Den tjari den kon na wan na ini na anbegi foe na wan enkri troe Gado, srefi efoe na studenti e doro den marki èn e kisi dopoe bifo den kaba den toe boekoe. Efoe wan ofoe ala toe boekoe no de na ini a tongo foe na studenti dan wan sma kan gebroiki tra boekoe foe na Genootschap di abi den fundamenti bijbelleri èn Jehovah regtvaardiki wet gi na libismafamiri.