Aksiboksu

● Na rai ini na „aksiboksu” fu wi Kownukondredienst fu maart 1971 de te now ete so, dati wani taki dati a abi winimarki fu skrifi na Genootschap presi fu telefon?

Na rai disi trutru de te now ete. Ini na „Aksiboksu” de fu leisi den sani di e kon now:

„A abi difrenti winimarki gi yusrefi èn gi na Genootschap. Te yu poti na aksi fu yu na tapu papira, dan no wawan yu abi wan soifri verslag fu san yu ben skrifi, te yu abi wan kopie gi yusrefi, ma ooktu a Genootschap. Ondrofeni ben leri dati ini a tori fu prenspari afersi alaten a de moro bun fu poti na afersi tapu papira.

Te yu kisi a brifi fu na Genootschap, dan yu abi na winimarki dati yu kan studeri na piki èn yu abi wan sani tapu papira di yu kan sori a tapu na a ten di e kon. Èn ooktu a de so dati wan piki na tapu papira abi wan winimarki gi yu dati den brada tapu na bureau ben kan ondrosuku a tori èn kan taki nanga makandra fu en, èn dati no ben o de so kande te yu telefoneer ofu tyari wan fisiti kon.”

Bestelling gi lectuur, tijdschrift nanga den sortu sani dati musu du na tapu den formulier di de fu dati. Mededeling di abi fu du nanga velddienst pristeri alaten tanapu bun fruku kaba ini Wi Kownukondredienst, sodati yu kan bestel èn kisi lectuur biten. Ooktu efu wan gemeente abi onfruwakti moro lectuur ofu tijdschrift fanowdu, dan toku a de moro bun fu bestel disi nanga brifi. Bestelling nanga yepi fu telefon e tyari moro wroko kon gi wi dya tapu a bijkantoro, fu di te fu kaba wan sma musu skrifi en poti tapu papira.

Ini na prijslijst ala publikatie tanapu di de fu kisi èn efu den brada di de na ini a gemeente de nanga opo ai tapu den „Wantu sani” ini Wi Kownukondredienst, dan den sabi alaten san de fu kisi dan a no de fanowdu fu bel na bijkantoro.

Ma efu fu na wan ofu tra dei yu abi bodoi wantewante fanowdu, ofu wani abi rai fu eksempre ini a tori fu wan brudutransfusie afersi, firi yusrefi dan grantangi fri fu meki kontakti nanga wi. Wi de dya fu dini yu èn nanga ala prisiri wi wani fu du san wi kan fu yepi yu.