Bakadina preikiwroko nanga den tijdschrift fu wi
1 SORTU prakseri na wortu „bakadina” e kari kon na ini yu? Furu sma e denki na a yere fu dati: „Ai, moi. Tan na oso”, ofu: „Na fu nyan fosi, èn dan go rostu pikinso” ofu ooktu: „So, a wroko kaba, now mi abi ten pikinso fu du wan tra sani gi misrefi.” Disi de so gi moro furu sma. Den sortu firi nanga prakseri disi de bekenti langaten kaba. Ooktu na fosten sma ben e nyan switi fu wan rostu bakadina — èn netiyuru (Teki gersi nanga Gen. 24:63).
2 Ala disi abi bigi winimarki gi wi preikiwroko: (1) Den sma de na oso. (2) Wi kan winsi wan moro betre firi leki ini san wi ben sa wani miti den? (3) Wi e miti tra ososma leki na wán osofamirimemre di pikinmoro alaten de na oso na deiten èn e arki na sma di e kon na a oso (Luku ooktu Diniwroko-buku blz. 89, par. 2.) Efu wi e meki gebroiki fu den bakadina fu eksempre fu arfu feifi go miti seibi yuru leki wan bun ten fu wroko nanga tijdschrift ’dan wi e naki na sowan fasi dati wi no e naki na ini loktu’, èn wi e waka na baka Yehovah, „di ben du tumsi bigi sani tapu a kontren fu wroko tapu wan bun fasi”. — 1 Kor. 9:26; Yes. 28:29.
3 A de so dati na ini a wroko ini den bakadina ofu na a mofoneti wi e miti difrenti sma di de bezig nanga na krin fu den prasi ofu a wasi fu pikinnengre ofu kande e nyan ofu a wasi fu dotisani, ma kande na ini den bigin wortu fu wi wi kan taki dati wi e ferstan disi èn sa de syatu, ma dati wi wani pristeri ete den tumsi moi tijdschrift fu wi. Meki spesrutu gebroiki fu den tori ini wi tijdschrift di abi a belangstelling fu den sma; furu sma e arki bakadina na nyunsu, sodati a prakseri fu den de bezig nanga nyun tori. Ma den sabi soso a problema, ma wi e tyari bodoi kon gi den di e go fu a lusu fu den, sodati wi abi bun reide fu kan de nanga faya.
4 Wantu sma ben kon si dati na ini a ten fu wan yuru bakadina velddienst den e miti net so furu sma, èn srefi e prati moro tijdschrift leki ini a ten fu difrenti yuru tapu na weekend. Ma a de so, dati wi no kan wroko so langa go doro bika baka seibi yuru a e kon dungru èn nanga dati a e de kefarlek tapu strati, ma a heri yari doro a de so taki den bakadina preikiwroko de heri bun. Efu den velddienst-komakandra fu na bakadina de soso fu wantu minuut, dan na ten di de un kan gebroiki bun. Den owruman èn spesrutu a dienstopziener sa man kande fu seti gi wan ofu moro fu den mindri wiki bakadina grupupreikiwroko.
5 Den bakadina yuru no de kande na ten fu yu di yu gwenti fu go a velddienst, ma yu sa kan tjari kenki kon na disi efu a sa meki yu miti nanga moro sma? Sondro degedege a sa de mogelek gi furu preikiman nanga pionier fu fiti den schema tapu wan tu dei, kande srefi fu nyan moro fruku ofu moro lati ofu fu sreka na a dei dati wan moro eenvoudig nyanyan. A tori ini Markus 1:32-34 e leri wi dati ooktu Yesus ben de klari fu gebroiki den neti bunbun fu yepi furu sma kande di a deiten abi sani fu du ofu di tra sma no ben kan tyari kon na en fu a kan dresi den.
6 Te wi tapu a fasi disi e prati wi tijdschrift, dan wi e gi yesi na a dek’ati di de ini Preikiman 11:6, èn di taki so: „Sai ini na mamanten a siri fu yu èn no meki yu anu bro te na neti.” A bakapisi sa de dati wi sa miti moro sma èn wi sa abi moro prisiri, èn dati moro furu Yehovah sa kisi moro prijse.