Joe kan dini leki wan pionier?
1 A de boen foe wi prakseri dipi foe wi matifasi nanga Jehovah èn en Manpikin ini a ten baka na Memrefesa. Sondro degedege wi e firi waran warderi gi san den ben doe gi wi, èn nanga prisiri wi wani taki, so foeroe sma leki a kan, kisi wini foe na seti foe na froeloesoe ofrandi. Ija, na begi foe ’begi na Masra foe na kotiwroko tangitangi foe seni wrokoman’, e fiti moro ete na ini a ten disi dan na ini a ten foe Jesus (Matt. 9:37, 38). Den prakseri disi e tjari sma go na a aksi: Joe kan dini kande leki wan pionier?
2 Na Waktitoren foe 15 februari 1983 (Bakratongo) ben taki ini a tori disi: „Ija, ibri kresten dinari foe Gado moesoe loekoe na ondro begi, efoe a kan pionier ofoe no. Wan trowpaar foe Zuid-Afrika di e pionier tinafeifi jari kaba, ben taki: ’Foe san-ede wi e pionier? Wi oiti ben sa kan gi frantiwortoe na Jehovah te wi no ben doe disi?’ Foeroe sma di no de pionier, heri boen ben kan aksi na aksi di abi foe doe nanga disi: ’Mi kan gi frantiwortoe troetroe na Jehovah taki mi no de wan pionier?’”
3 No ibriwan sma de na ini den omstandigheid foe pionier. Bijbel froeplekti, serjoesoe siki ofoe tra reide ben kan tapoe den foe pionier. Tokoe ibriwan sma kan abi na „pionier jeje”. Sortoe „jeje” disi de? Na ini Wi Kownoekondredienst foe februari 1990 den ben gi na tra froeklari di e kon now: „Wan positief fasi foe loekoe na gebod foe preiki èn meki disipel, wan dorodoro moeiti foe sori lobi nanga broko-ede gi libisma, foe òfer joe srefi, foe abi prisiri foe waka krosibei na baka Masra, èn foe njanboen foe sani na jeje fasi èn no na skin fasi.” Troetroe wan moi froeklari, a no de so?
4 Te joe e prakseri foe san e tanapoe a tapoesei, joe moesoe tjari wan kenki kon kande na ini joe jeje fasi foe loekoe sani? Ofoe a de eenvoudig kande wan afersi foe meki wan boen schema gi na dienst? Joe man foe tjari wan kenki kon ini den persoonlijk frantiwortoe nanga froeplekti foe joe? Wan opregti loekoe foe joe srefi nanga den omstandigheid foe joe na ondro begi, kan abi leki bakapisi na bradi di joe kan bradi joe diniwroko moro? Toemoesi foeroe preikiman ben doe disi èn den e kisi na blesi now foe toemoesi moi ondrofenitori.
5 Sondro degedege dan gi doesoendoesoen foe wi a kan foe wi de na ini a jepipionierwroko na ini april. Èn seiker foeroe hondrohondro sma de, gi soema na blesi èn prisiri moen disi foe wroko kan abi leki bakapisi na teki di den e teki na gewoon pionierwroko na tapoe den! Meki Jehovah blesi den moeiti foe wi pasa marki.—Odo 10:22.