Theokrasia njoensoe

Dominika Republiek: Tapoe siksi distrikt kongres joe ben abi 26.150 sma, èn 585 (2,2 prosènt) ben teki dopoe.

Hong Kong: Ala di juli ben waran troetroe èn foktoe, den brada ben doe toemoesi boen moeiti ini a velddienst. Den ben abi wan njoen heimarki foe 2.305 preikiman, èn 71 ben teki dopoe.

Japan: A raport foe den distrikt kongres foe 1991 ben sori wan heimarki foe 289.206 arkiman, èn 4.851 ben teki dopoe. So toe den ben doro wan njoen heimarki foe 158.627 preikiman ini juli, wan gro foe 11 prosènt tapoe a gemiddelde foe a jari a fesi.

Myanmar: Nanga ala di den ben ondrofeni froedoe di tjari rampoe kon ini juli, den doro wan njoen heimarki foe 1.810 preikiman.

Fillippijnen: Nownow jepi e gi na sma di ben kisi problema di a bergi Pinatubo ben spiti asisi nanga tra sani kon a doro. No so langa pasa dan den tranga alen nanga tokotoko di e lon, noso lahars, ben tjari serjoesoe problema gi brada di a fesi no ben kisi problema ete. Den brada e warderi na jepi di den e kisi, foe di ini september a situwâsi ben moro takroe na ini son kontren dan leki di a vulkaan bergi ben bigin spiti sani kon a doro.