Moro njoen gemeente kan opo na ini Sranan?
1 Kresten gemeente e prei wan prenspari rol ini a kontroe foe a prakseri foe Jehovah gi wi ten. Ini akroederi nanga a profetis prenki foe a ten foe Josef, dan na ini a ten disi Jesus e tjari den foetoeboi foe en kon na wan ini gemeente di sma kan teki gersi nanga foto, pe den kan njanboen foe bogobogo jeje njanjan èn pe nofo „karoe” de srefisrefi foe kan sai dati toe leki „siri” ini a gron (Gen. 47:21-24; Mat. 13:3-9, 18-23). Ini wan foe den eksempel foe Jesus a ben teki den gemeente gersi nanga „bari” pe den ben e tjari „boen fisi” kon na wan. — Mat. 13:48.
2 Nanga jepi foe a stroektoeroe foe a gemeente, nanga owroeman nanga dinari ini a diniwroko di den ben poti, boen sorgoe foe den skapoeman kan gi na aparti memre foe a pipel foe Gado, ala di nanga jepi foe dati na orga foe a preikiwroko kan kon de moro makriki toe. Ma te gemeente e gro kon bigi nofo, a kan kon moro moeilijk foe poti boen prakseri tapoe ala pikinpikin sani. Wan toe brada di den ben poti abi dan pikinso wroko foe doe èn kande son wan foe den preikiman kan kisi a firi pikinso taki den lasi gowe èn taki nowan sma e si den.
3 Te wi go loekoe a lijst nanga kondre nanga den bodoi di gi ini nomroe di de foe leisi ini a Jariboekoe dan a de krin foe si taki ini son kondre, te joe ben sa teki den gemeente drape gersi nanga a nomroe foe preikiman ini a kondre, dan moro mendri de leki ini tra kondre. Disi e sori taki foeroe gemeente ini wan kondre bigi pikinso. Foeroe brada nanga sisa e feni en wan prisiri deki-ati sani foe konmakandra ini wan zaal di foeroe boen nanga sma, èn dati wi e froestan, ma a praktijk e sori taki pikinso moro pikin gemeente abi moro esi gro leki bakapisi.
4 Pikinmoro wan jari pasa kaba dan sma di e teki presi gi den bijkantoro ben taki makandra foe a penti disi nanga den opziener di e rèis èn baka dati a tori ben tjari kon na a prakseri foe den owroeman nanga dinari ini a diniwroko na a pisiten foe a Kownoekondre diniwroko-skoro. Den ben doe boen na tapoe disi. Dati ede meki, toe njoen gemeente ben opo ini a dienstjari di pasa.
5 Baka di den ben prati wan gemeente, wan kringopziener ben fisiti wan njoen gemeente èn ben taki: „Den owroeman kan abi wan moro boen loekoe tapoe na situwâsi. Now den brada nanga sisa abi moro foeroe kontakti nanga ai gi makandra. Den no abi a firi moro, leki den lasi gowe ini wan bigi groepoe. Na abi foe wan prati na tapoe den konmakandra kon moro boen. A gemeente e kon kisi libi.” Wan tra kringopziener ben taki foe a positief fasi fa sma moesoe handri tapoe a prati foe wan gemeente èn a ben taki moro fara: „Sma e si den krakti wini foe disi èn den de klariklari toe foe teki moro bigi frantiwortoe di dati e poti tapoe ibriwan sma.” Wan pisi di teki poeroe foe wan tra tori di e froeteri fa sani ben waka e taki: „Den owroeman kon kisi en pikinso moro druk na ini son sani. Dati de so toe gi den dinari. Den e gi densrefi boen. A sfeer switi srefisrefi. Ibri preikiman ini a gemeente wroko [ini den fosi toe moen] 13,5 joeroe ini velddienst.”
6 A no de foe taki, dati foe prati wan gemeente, noso foe go foe toe na dri gemeente, wan toe sani de fanowdoe. Wan moi groepoe foe preikiman di e wroko ala ten èn nofo brada, di den ben poti, foe kan sorgoe foe ala den wroko. Den gemeente boekoestudieleider kan bow na wan krakti fasi na disi, dati wani taki foe di (a) den e hori wan studie di wani taki wan sani, (b) na wan krakti fasi, nanga tranga wroko nanga faja den e teki fesi ini velddienst èn (c) e gi sorgoe leki herder na ala sma ini a groepoe, nanga den fanowdoe foe ibriwan foe den aparti na prakseri. Baka dati ibriwan sma moesoe jepi toe foe meki a go-na-fesi foe en de foe si’. — 1 Tim. 4:15; w92 1/8 blz. 8-12.
7 Moro fara den owroeman moesoe gi leri na den sma di e pristeri densrefi foe doe a wroko, foe di den e gi wroko abra na trawan. Fa disi kan doe? A Waktitoren foe 15 oktober 1992 (Bakratongo) e gi disi sjatoe baka na bladzijde 20-23 na a fasi disi: (1) Taki krin san na a wroko, (2) teki man di abi konifasi foe wroko, (3) gi den nofo jepisani foe wroko, èn (4) horibaka gi den bosroiti foe den. Na programa di e skoro sma moesoe gi moro fara na brada di kan doe wroko leki kringopziener noso den di kan doe wroko leki sma di e teki presi gi kringopziener; bikasi nanga na nomroe foe den gemeente a nomroe foe den kring e gro toe.
8 Ini Sranan a preikiwroko e doe now na ini fo difrenti tongo na wan fasi di orga. Sontron na horibaka gi wan groepoe di e taki wan tra tongo (nanga a wani di wan sma wani foe leri a tongo dati) kan jepi foe meki wan gemeente opo esi-esi. Ini Bakrakondre foe eksempel, joe abi wan groepoe di e taki wan tra tongo, èn di abi toe gemeente boekoestudie, di e hori 60 bijbelstudie. Efoe brada ben sa de di ben kan teki fesi, dan wantewante wan gemeente ben kan opo.
9 Gemeente ini wi kondre di de pikinso moro pikin leki foeroe trawan so leki fa wi gwenti abi dati, sa man drai moro boen èn den sa abi leki marki moro prisiri èn moro esi gro. Te wi loekoe na nomroe foe preikiman, dan ini a ten di e kon seiker moro gemeente sa man foe opo ete. Joe de klariklari foe doe wan pisi foe joe sei? Foe di joe de wan preikiman di e wroko ala ten? Foe di joe e poti joe ati na tapoe a doe foe wan fesiman wroko, san de ’wan moeiti di fiti foe kisi prèise’? (1 Tim. 3:1, Phillips). Foe di leri e gi èn wroko e gi abra na trawan? Noso kande foe di joe wani leri wan tra tongo? Meki a de so taki Jehovah blesi den foeroe moeiti di wi e doe makandra foe meki ete njoen gemeente moro kan opo, foe horibaka gi a gro foe a wroko ini wi kondre.