Wan toe sani

◼ Boekoepristeri foe januari: Ibri boekoe di abi 192 bladzijde di druk tapoe papira di e kon geri noso e lasi en kloroe noso di tjari kon na doro fosi 1980. Gemeente di no abi den boekoe disi kan pristeri A soekoe di libisma e soekoe Gado. Februari: Joe kan libi foe têgo ini wan paradijs na grontapoe. Maart: Na openbaring — En moro bigi heimarki de krosibei! April nanga mei: A Waktitoren nanga Ontwaakt! tijdschrift, so srefi iniwan brochure (boiti a Skoro-brochure). Pe joe feni belangstelling na wan gobaka, joe kan pristeri abonnement. WAN TOE WORTOE: Gemeente di abi den boekoe fanowdoe di kari na tapoesei foe wroko nanga den ini a velddienst, moesoe bisteri den wanten na tapoe den Boekoe bisteri-formulier (S(d)-14) di den o seni now. Owroe poeblikâsi foe gebroiki ini a velddienst ini januari no de foe feni ini Brooklyn, ma gemeente moesoe gebroiki den wan di den abi kaba ini den boekoekasi.

◼ Gemeente moesoe sreka sani di makriki gi a Memrefesa, di sa hori a jari disi tapoe satra 26 maart baka te son dongo. Ala di ibri gemeente wani foe hori den eigi Memrefesa, disi no kan ala ten. Pe wan toe gemeente e gebroiki a srefi Kownoekondrezaal a sa de boen gi wan noso moro gemeente foe gebroiki wan tra presi a neti dati. A Memrefesa no moesoe bigin so lati taki den wan di no langa pasa kisi belangstelling no feni en makriki foe man fisiti. Moro fara, a schema no moesoe de so span taki ten no de bifo noso baka a fesa, foe gi den fisitiman odi, foe sreka sani foe gi jepi na jeje fasi gi sma, noso foe gi makandra deki-ati pe ala sma de. Baka te joe loekoe ala den sani disi finifini, den owroeman moesoe loekoe foe kon sabi sortoe sani moesoe sreka foe jepi ala sma di fisiti a Memrefesa, foe njan boen srefisrefi foe na okasi.

◼ Bigin ini februari, èn no moro lati leki 6 maart, a njoen poebliki taki gi kring-owroeman sa de „A soktoe di libisma mekisani e soktoe — Oten a sa kaba?”

◼ A spesroetoe poebliki taki ini a ten foe a Memrefesa foe 1994, sa hori na heri grontapoe, tapoe sonde 10 april. A thema foe a taki sa de „Relisi no e meki a froewakti foe a libimakandra foe libisma kon troe?” Den gemeente, di abi a fisiti foe a kring-owroeman, wan kringkonmakandra, noso wan spesroetoe dei konmakandra a kaba foe a wiki dati sa abi a spesroetoe taki a wiki na en baka. No wan gemeente moesoe hori a spesroetoe taki bifo 10 april.