Wan toe sani

◼ Poeblikâsi di wi sa gebroiki ini december: De grootste mens die ooit heeft geleefd (A moro bigi man di oiti ben libi). Gi sma di e taki Sranantongo, wi kan pristeri toe a boekoe Mi boekoe nanga bijbel tori, na presi foe a boekoe De grootste mens die ooit heeft geleefd (A moro bigi man di oiti ben libi). Januari: Ibri boekoe di abi 192 bladzijde di ben kon na doro bifo 1982 èn di kande a gemeente abi. Den gemeente di no abi den owroe boekoe disi, sa pristeri Ware vrede en zekerheid — Hoe kunt u die vinden? (Troe vrede nanga seikerfasi — Fa joe kan feni en?) Februari: U kunt voor eeuwig in een paradijs op aarde leven (Joe kan libi foe têgo ini wan paradijs na grontapoe). Te a boekoe disi libi na baka, dan baka dati gobaka moesoe meki, èn moeiti sa moesoe doe foe bigin nanga bijbelstudie. Maart: De Openbaring — Haar grootste climax is nabij! (Na Openbaring — En moro bigi heimarki de krosibei!) WAN TOE WORTOE: Den gemeente di no bisteri den poeblikâsi di wi o pristeri so leki fa a skrifi na tapoesei, moesoe bisteri den tapoe a Boekoe bisteri-formulier (S-14) foe a moen di e kon. Den poeblikasi di kon na doro bifo 1982 so leki fa skrifi na tapoesei, no de foe kisi na a bijkantoro ini Sranan.

◼ A fesiman opziener noso wan sma di a ben sori, moesoe loekoe a boekhouding foe a gemeente tapoe 1 december noso so esi leki a kan baka dati. Te disi doe kaba, dan meki dati bekènti ini a gemeente.

◼ A Memrefesa foe 1996 sa de tapoe toedewroko 2 april, baka te son dongo. Wi e gi a datum disi froekoe, so taki den brada kan bigin meki mofo noso sroto kontrakti foe tra zaal di de foe feni, efoe difrenti gemeente e gebroiki a Kownoekondrezaal èn den moesoe soekoe tra presi.

◼ A Waktitoren di e kon na doro na ini Hindi, sa kenki foe wán leisi wan moen kon tron toe leisi wan moen. Dati sa bigin nanga a tijdschrift foe 1 januari 1995.

◼ Den gemeente moesoe bigin foe bisteri den Waktitoren nanga Ontwaakt! jaargang foe 1994 nanga den boekoe-bisteri foe den gi december. Den jaargang sa de foe kisi ini Bakratongo, Fransitongo, Ingrisitongo, Potogisi, Sneisitongo nanga Spanjorotongo. So langa den jaargang no de foe kisi ete, èn den no seni den go ete na den gemeente, den sa kon tapoe a faktuur foe a gemeente nanga a bodoi „wi sa seni den kon bakaten”. Den jaargang na spesroetoe sani di oenoe moesoe bisteri aparti.

◼ A brifi foe 1 augustus 1993 foe a Genootschap gi ala den skin foe owroeman, ben sori taki ibri sma di teki dopoe moesoe man kisi toe inlegvel di abi foe doe nanga na abi di wan sma abi jepi foe datra fanowdoe gawgaw. Den inlegvel disi de foe feni ini Wi Kownoekondre Dienst foe december 1990 nanga september 1992. Den owroeman sa waka baka a rai disi.

◼ Boiti den tra tongo na ini san na Ontwaakt! e kon na doro, Papiamento na wan foe den tongo now toe. Na Ontwaakt! disi sa kon na doro ibri dri moen èn a sa bigin nanga na eksemplaar foe den moen januari-maart 1995. Ini a gemeente foe joe, joe kan bisteri eksemplaar foe prati.