Wan toe sani

◼ Boekoepristeri foe februari: U kunt voor eeuwig in een paradijs op aarde leven (Joe kan libi foe têgo na ini wan paradijs na grontapoe). Te a boekoe disi libi na baka, dan baka dati gobaka moesoe meki, èn moeiti moesoe doe foe bigin bijbelstudie. Maart: De Openbaring​—Haar grootse climax is nabij! (Na Openbaring​—En moro bigi heimarki de krosibei!) April nanga mei: A Waktitoren nanga Ontwaakt! tijdschrift. Na ini gebied pe den e wroko foeroetron, joe kan gebroiki ibriwan brochure (boiti a Skoro-brochure). Te joe feni sma di sori belangstelling na den gobaka, dan joe kan pristeri abonnement. WAN TOE WORTOE: Gemeente di no bisteri den boekoe ete di wi o pristeri, soleki fa a skrifi na tapoesei, moesoe bisteri den tapoe a Boekoe bisteri-formulier (S-14).

◼ A sekretarsi nanga a dienstopziener moesoe loekoe den aktiviteit foe ala den gewoon pionier baka. Efoe iniwan foe den abi problema foe doro den joeroe di den moesoe doro, dan den owroeman moesoe seti sani foe gi jepi. Foe gi rai, go loekoe den brifi foe a Genootschap baka (S-201) foe 1 oktober 1993 nanga 1 oktober 1992. Loekoe so srefi paragraaf 12-20 foe na inlegvel foe Onze Koninkrijksdienst foe september 1986.

◼ A Memrefesa sa hori tapoe freida 14 april 1995. Ala di a lezing kan bigin moro froekoe, grantangi hori na prakseri taki a pasa foe a brede nanga a win moesoe bigin baka te sondongo. Na den presi pe joe kan feni dati ini joe kontren, soekoe bodoi di e taki o lati sondongo drape. No wan tra konmakandra boiti velddienst konmakandra moesoe hori tapoe a dei dati. Efoe oenoe gemeente gwenti foe abi konmakandra tapoe freida, oenoe kan kenki disi, poti en tapoe wan tra dei foe a wiki te oenoe kan gebroiki a Kownoekondre zaal.

◼ Na a kaba foe den gemeente konmakandra, den kring konmakandra nanga den spesroetoe dei-konmakandra programa tapoe 23 april 1995, den brada sa meki bekènti taki wan spesroetoe wroko sa doe. Disi abi foe doe nanga a prati foe wan traktaat foe fo bladzijde, na alasei èn a abi wan boskopoe di e kon na a joisti ten. Preikiman sa kisi a deki-ati foe poti spesroetoe prakseri na tapoe opregtisma di, na wan serjoesoe fasi e denki foe den problema di e miti den èn di e broeja den, èn di e soekoe tiri di den kan froetrow. Ibri preikiman, so srefi den njoenwan di sa bigin nanga a velddienst ini maart, april nanga mei, sa wani foe abi wan dorodoro prati èn sa wani hori baka gi a spesroetoe wroko disi.

◼ Preikiman di wani go ini a jepi-pionierdienst ini maart, april, nanga mei, moesoe meki plan now kaba èn seni den pionier-formulier froekoe. Disi sa jepi den owroeman foe seti sani di de fanowdoe gi a velddienst èn foe sorgoe taki nofo poeblikâsi de gi den preikiman.

◼ Tapoe satra 13 mei 1995, den sa sroto a bijkantoro foe di wan toe wroko o doe. Foe dati ede, okasi no sa de foe kon loekoe a presi noso foe gemeente kon teki boekoe tapoe a dei dati.

◼ Den gemeente moesoe prakseri foe bisteri moro tijdschrift foe a spesroetoe april uitgave na tapoe wan M-202 formulier, èn den moesoe seni den bisteri go na a bijkantoro, so esi leki den kan.

◼ Njoen uitgave tapoe CD-ROM:

Ingrisitongo: Watchtower Library, di den tjari kon na doro ini 1993. A bibliotheek disi tapoe wan CD abi na ini a tekst foe a New World Translation of the Holy Scriptures—With References, den jaargang foe The Watchtower foe 1950 te nanga 1993, Awake! foe 1980 te nanga 1993, Our Kingdom Ministry foe 1970 te nanga 1993, a bijbel encyclopedie volume 1 nanga 2 foe Insight on the Scriptures nanga foeroe tra boekoe, brochure, nanga traktaat di a Genootschap tjari kon na doro foe sensi 1970. Moro fara, a abi na ini toe wan index foe ala den Waktitoren poeblikâsi foe 1930 te nanga 1993. Den minimum wrokosani di joe abi fanowdoe na: IBM PC-Compatable nanga 80386-processor, 2 MB RAM (4 MB ben sa de moro boen), Windows 3.1 (ini „enhanced” modus), 3 MB vrije ruimte na tapoe a harde schijf, CD-ROM-speler nanga VGA-scherm.