Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 1 mei te nanga 21 augustus 1995. Gebroiki wan aparti pisi papira èn gi piki na tapoe dati someni aksi leki joe kan, ini a ten di den gi joe pasi foe gebroiki.
[Wan toe wortoe: Na a ten foe a schriftelijk overzicht soso bijbel mag gebroiki foe gi piki tapoe ibri aksi. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki na tapoe ibriwan foe den froeklari disi di e kon now efoe den boen noso fowtoe:
1. A dini di wi e dini Gado na wan persoonlijk sani èn a no e anga na no wan fasi foe wi matifasi nanga trawan (1 Johanes 4:20). [1, uw bladzijde 134, paragraaf 7]
2. A rai foe a tiri skin gi den heiden kresten, taki den ben moesoe tan farawe foe afkodrei, broedoe nanga hoeroedoe, ben gron tapoe a Wet foe Moses (Tori foe den Apostel 15:28, 29). [11, uw bladzijde 149, paragraaf 8]
3. Biginbigin, a heri libisma famiri ben moesoe gi jesi na a Wet foe Moses (Ps. 147:19, 20). [10, uw bladzijde 147, paragraaf 5]
4. Kapitel 53 foe Jesaja, di ben skrifi so wan 700 jari bifo Krestes ben gebore, de leki wan libilibi tori di e taki foe Jesus Krestes èn a fasi fa den ben handri nanga en. [12, si bladzijde 119, paragraaf 8]
5. Brada Russell ben sori taki a ben sari troetroe di a froewakti foe en, taki a ben o go na hemel na ini 1914, no ben kon troe. [2, jv bladzijde 62, paragraaf 3]
6. No wán grontapoe fonten de di kan gi wi moro boen rai na ini a tori foe osofamiri afersi leki bijbel wawan. [8, uw bladzijde 144, paragraaf 11]
7. A boekoe foe Odo e go na a roetoe foe den problema foe wi, foe di a e gi rai foe poti ala wi froetrow tapoe Gado. [5, si bladzijde 111, paragraaf 35]
8. Na wan kongres di ben hori na Washington D.C. na ini 1935, den ben taki krinkrin taki den sma foe a Jonadab groepoe na ini a ten disi, no ben abi foe sori a srefi getrowfasi na Jehovah neleki fa den wan foe a salfoe groepoe moesoe sori dati. [14, jv bladzijde 83 paragraaf 5, bladzijde 84 paragraaf 1]
9. Te problema e kon na ini wan trowlibi, dan wan troe kresten no sa gebroiki den fowtoe foe en patna, leki wan reide foe pasa en eigi frantiwortoe. [6, uw bladzijde 140-141, paragraaf 4, 5]
10. Te Salomo e froeklari na ini a boekoe Preikiman taki ala sani de foe soso, dan disi de so gi ala sani. [9, si bladzijde 114, paragraaf 15]
Gi piki tapoe den aksi di e kon now:
11. Nanga sortoe wroko di den ben doe sondro frede èn di ben gi leri, brada Russell nanga den kompe foe en ben bigin na ini 1912? [1, jv bladzijde 59 paragraaf 5, bladzijde 60, foetoewortoe]
12. San den tesi di ben kon na tapoe den bijbelstudenti foe 1914 te nanga 1918 e tjari kon na krin? [2, jv bladzijde 61, paragraaf 1]
13. Sortoe toemoesi prenspari heimarki den brada ben doro na wan kongres di den ben hori na Columbus, Ohio, na ini 1931? (Jes. 43:12) [13, jv bladzijde 79 paragraaf 5, bladzijde 82 paragraaf 2]
14. Sortoe inzicht di gron tapoe Boekoe foe bijbel ben tjari kon na krin na ini 1942 na ini a taki: „Vrede—A kan tan?”, èn foe san ede a nen foe a taki disi ben hari sma prakseri srefisrefi? [15, jv bladzijde 93, paragraaf 2]
15. Na ini 1943, den gemeente ben kisi deki-ati foe bigin nanga sortoe skoro, èn san ben de a bakapisi foe dati? [15, jv bladzijde 94, paragraaf 2 nanga 3]
16. Kari dri tra fasi fa wan sma kan kisi broedoepaiman na fesi Gado, boiti a teki foe broedoe. [17, uw bladzijde 155 nanga 156, paragraaf 3 te nanga 6]
17. Akroederi Odo 1:2-4, dan sortoe sani a boekoe foe Odo e poti krakti na tapoe? [4, si bladzijde 109, paragraaf 19].
18. Kari toe sani di man tjari geluid kon èn di a Genootschap ben gebroiki foeroe na ini den jari 1920 te go miti 1940, foe sorgoe taki sma ben kan jere a boen njoensoe. [13, 14, jv bladzijde 80, 81, nanga 87]
19. Oten a fosi Kownoekondre Dinari Skoro ben bigin, èn san ben de a marki foe a skoro disi? [17, jv bladzijde 103, paragraaf 1]
20. Sortoe praktis leri wi e kisi foe a moi Singi foe Salomo? [11, si bladzijde 117, paragraaf 16]
Gi a (den) wortoe noso a pisi foe a prakseri di de fanowdoe foe klari ibriwan foe den froeklari di e kon now:
21. Brada Russell dede na tapoe 31 oktober 1916, èn ․․․․․․․ ben tron a tra presidenti foe a Genootschap. [2, 3, jv bladzijde 63 paragraaf 4, bladzijde 65 paragraaf 2]
22. Na ini 1917 nanga 1918, den bijbelstudenti fajafaja ben prati a boekoe ․․․․․․․, èn foe di den ben ondrofeni gens di den tiriman foe krestenhèit ben de na baka dati, den ben sroto brada Rutherford nanga seibi tra kompe foe en na ini a ․․․․․․․ foe Atlanta, Georgia. [7, jv bladzijde 69 paragraaf 3, bladzijde 70 paragraaf 1]
23. Na ini wan brifi di den ben leisi gi den brada di ben kon makandra gi na ibri jari konmakandra foe a Waktitoren Genootschap na ini 1959, Brada Rutherford ben skrifi foe doengroe-oso taki „den moro prenspari fetisani di Satan e gebroiki na ․․․․․․․, ․․․․․․․, nanga ․․․․․․․”. [8, jv bladzijde 72 paragraaf 3, bladzijde 73 paragraaf 7]
24. Na ini 1922, na a internationaal kongres na Cedar Point, Ohio, brada Rutherford ben froeklari: „Grontapoe moesoe kon sabi taki Jehovah na Gado èn taki Jesus Krestes de Kownoe foe den kownoe . . . Foe dati ede ․․․․․․․, ․․․․․․․, ․․․․․․․, a ․․․․․․․ nanga en ․․․․․․․” [8, jv bladzijde 72, paragraaf 1]
25. Brada Rutherford dede tapoe 8 januari 1942, èn feifi dei baka dati brada ․․․․․․․ ben tron presidenti foe a Genootschap. [14, 15, jv bladzijde 89 paragraaf 3, bladzijde 90 paragraaf 3]
Teki a joisti piki na ini ibriwan foe den froeklari di e kon now:
26. A Gilead skoro gi zendeling ben opo na ini (1919; 1935; 1943). [16, jv bladzijde 95 paragraaf 2]
27. A New World Translation of the Christian Greek Scriptures (Njoen Grontapoevertaling foe den Kresten Griki Boekoe foe bijbel) ben kon na doro na ini (1946; 1950; 1953), èn den ben poti a nen foe Gado, Jehovah, baka na ini en, wan sani foe (154; 193; 237) tron. [17, jv bladzijde 99, paragraaf 2]
28. Boeweisi taki Salomo ben de a skrifiman foe Preikiman wi kan si na ini disi, taki (en nen de foe feni na ini a heri boekoe; skrifiman foe tra bijbelboekoe e kari en leki a skrifiman foe a boekoe; a boekoe srefi e sori, taki Salomo na a skrifiman, sondro foe a kari en nen). [6, si bladzijde 112, paragraaf 4]
29. Na ini 1932 den ben tjari kon na krin taki Jonadab, a kompe foe Kownoe Jehu, ben prenki na fesi wan groepoe foe sma di ben sa (de wan di foe toe hemel groepoe; njan boen foe a libi foe têgo na grontapoe; no ben sa tanapoe kankan gi waarheid). [14, jv bladzijde 83, paragraaf 4]
30. A Singi foe Salomo e poti krakti na tapoe (a ròl foe Salomo leki kownoe; den foeroe goedoe foe Salomo; a getrowfasi foe wan oemapikin foe boiti gi wan skapoeboi). [10, si bladzijde 115, paragraaf 2]
Soekoe a joisti tekst gi ibriwan foe den froeklari dja na ondrosei:
Odo 22:3; Preik. 7:21, 22; Jes. 13:19, 20; Mat. 5:23, 24; Kol. 3:18-20, 23, 24
31. Ala di Jehovah no e kibri a pipel foe en gi onkolokoe, gi feti na mindri borgoe, noso gi ogridoe, tokoe a sori di wi e sori a praktis koni di gron tapoe bijbel, kan sori foe de warti gi wi. [1, Alawiki bijbelleisi pisi; loekoe wSR92 1/1 bladzijde 15, paragraaf 23.]
32. Wi abi nofo reide foe no tweifri noiti na a kon di a profeititori di e kon foe Gado, sa kon troe. [15, Alawiki bijbelleisi pisi; loekoe wO93 15/5 bladzijde 6.]
33. Wan troe kresten sa de a fosiwan foe meki boen matifasi nanga en brada go na fesi. [2, uw bladzijde 135, paragraaf 10]
34. A feni di den sma na ini wan osofamiri e feni en boen nanga makandra, no e kon foe di ibriwan e wakti foe wan tra sma e doe wan sani, ma foe di ibriwan e doe en eigi pisi boen, èn na so wan fasi ensrefi e sori taki a gi ensrefi na a dini foe Gado, srefi na oso. [7, uw bladzijde 143, paragraaf 10]
35. No kori joesrefi foe froewakti volmaaktifasi foe joesrefi noso foe a fasi fa joe e handri nanga tra onvolmaakti sma. [8, Alawiki bijbelleisi pisi; loekoe wO90 1/3 bladzijde 8]