Overzicht gi a theokrasia-diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 4 september te nanga 18 december 1995. Gebroiki wan aparti pisi papira èn gi piki na tapoe dati someni aksi leki joe kan, na ini a ten di den gi joe pasi foe gebroiki.
[Wan toe wortoe: Na a ten foe a schriftelijk overzicht soso bijbel mag gebroiki foe gi piki tapoe ibri aksi. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso den fowtoe:
1. Jehovah Kotoigi no abi wan tiriman. [jv bladzijde 117 paragraaf 4]
2. Jesaja 38:5 e jepi wi foe froestan taki oprègti tranga begi kan poesoe Jehovah foe doe wan sani di kande a no ben o doe. [Alawiki bijbelleisi pisi; loekoe wSR95 1/4 bladzijde 13.]
3. Libisma di no de noti kan meki a Mekiman foe grontapoe sari noso meki En prisiri (Jes. 63:10). [Alawiki bijbelleisi pisi; loekoe wSR93 1/6 bladzijde 29.]
4. N. H. Barbour ben taki dati a ben bribi na ini a loesoe ofrandi, taki Krestes ben dede gi wi. A ben weigri foe erken na idea foe „wan loesoe-paiman”—taki Krestes ben dede na ini a presi foe wi. [jv, bladzijde 131 paragraaf 3 nanga 4, foetoewortoe]
5. Jesaja 53:5, 12 ben taki na fesi taki Jesus Krestes ben sa dede leki wan srakti-ofrandi foe tapoe den sondoe foe trawan. [Alawiki bijbelleisi pisi; loekoe wSR92 1/10 bladzijde 13.]
6. Foe di Russell ben studeri bijbel, meki a ben kon si taki Krestes no ben sa kon baka nomo na wan fasi di sma no ben sa kan si, ma a ben sa tan na ini a fasi disi toe, srefi te a ben o sori taki a ben de, te a ben o kroetoe den ogriwan. [jv bladzijde 133 paragraaf 3]
7. Ala di Jehovah Kotoigi no e teki prati na ini no wan sortoe politiek aktiviteit, tokoe den no e boemoei nanga san trawan e doe di e moksi densrefi nanga wan politiek groepoe, di e soekoe foe kisi wan politiek posisi, noso di e gi den sten na ini wan verkiezing. [uw bladzijde 166 paragraaf 12]
8. Getrow foetoeboi foe Gado di ben libi bifo a ten foe Krestes, no ben sabi notinoti foe a njoen grontapoe di wi e howpoe na tapoe. [Alawiki bijbelleisi pisi; loekoe wSR95 1/2 bladzijde 10.]
9. Cirus ben tron „a salfoewan” foe Jehovah, ala di no wan boeweisi de taki troetroe oli ben kanti na en tapoe (Jes. 45:1). [Alawiki bijbelleisi pisi; loekoe wO92 15/11 bladzijde 30.]
10. Kresten moesoe sabi a dei nanga a joeroe te Jehovah sa pori a sistema foe Satan, so taki den kan gi densrefi troetroe na a dini foe en. [uw bladzijde 176 paragraaf 2]
Gi piki tapoe den aksi di e kon now:
11. O ten wan kresten moesoe taki nanga en datra foe a bosroiti di a teki foe no teki broedoe? [uw bladzijde 158 paragraaf 9]
12. Na sortoe fasi Jesus no ben de wan pisi foe grontapoe? [uw bladzijde 161 paragraaf 2]
13. San a taki di wi e taki a Wortoe foe Gado fri èn sondro frede, no wani taki? [uw bladzijde 175 paragraaf 13]
14. Soema na a troe „Israèl foe Gado”, èn na ini sortoe jari den ben kon sabi soema na dati? (Gal. 6:16) [jv bladzijde 141 paragraaf 3 nanga 4]
15. Sortoe gronprakseri di wi ben kon si soifri na ini 1962, ben meki a sabi di wi sabi taki wi moesoe saka wisrefi na ondro den „moro hei makti”, kon moro krin? (Rom. 13:1-7) [jv bladzijde 147 paragraaf 3]
16. Ala di sma ben sabi wi na ini 1931 leki kresten èn leki Bijbel Ondrosoekoeman, foe san ede a ben de fanowdoe foe teki a nen Jehovah Kotoigi, di e poti wi aparti? [jv bladzijde 150 paragraaf 5 te nanga bladzijde 151 paragraaf 2]
17. Sortoe bribi di abi foe doe nanga grontapoe èn a tekst na Mateus 5:5, poti Jehovah Kotoigi aparti foe ala den wan foe krestenhèit? [jv bladzijde 161 paragraaf 3]
18. Na ini sortoe boekoe nanga kapitel, dri foe den evangelie e gi bodoi foe a marki di meki foe difrenti pisi, di e sori san na „a bosroiti foe a seti foe sani”? [uw bladzijde 178 paragraaf 5]
19. Foe san ede a nen Jehovah Kotoigi no de wan nen di no wani taki noti? [jv bladzijde 158 paragraaf 4]
20. Foe san ede tweifri no de na mindri Jehovah Kotoigi foe a fasi fa den moesoe si soetadoe, hoeroedoe nanga homo-seks libi? [jv bladzijde 173 paragraaf 1, bladzijde 174 paragraaf 3]
Gi a wortoe noso a pisi foe a prakseri di de fanowdoe foe klari ibriwan foe den froeklari di e kon now:
21. Te wan kresten moesoe go didon na ini wan ati-oso, dan a moesoe ․․․․․․․ tapoe papira foe aksi taki den no sa gebroiki broedoe, èn a moesoe ․․․․․․․ foe dati persoonlijk nanga a datra di sa sorgoe gi en. [uw bladzijde 158 paragraaf 9]
22. Toe fasi foe sori taki wi e froetrow tapoe Jehovah na foe di wi e fisiti den ․․․․․․․ doronomo èn foe di wi e go na En na ini ․․․․․․․ doronomo. [uw bladzijde 170 nanga 172, paragraaf 5 te nanga 7]
23. Foe 1976 te nanga 1992, friwani wrokoman di e ․․․․․․․, ben jepi nanga a bow foe njoen ․․․․․․․ na ini so wan 60 kondre, moro leki 29.000 njoen ․․․․․․․ ben meki na heri grontapoe, èn na organisâsi pikinmoro ben kon ․․․․․․․ ․․․․․․․ moro bigi nanga so wan 4.470.000 Kownoekondre preikiman nownowde. [jv bladzijde 144 paragraaf 1, bladzijde 115 paragraaf 1, nanga bladzijde 117 paragraaf 2]
24. Na ini juni 1882, Zion’s Watch Tower ben froeklari taki ․․․․․․․ nanga ․․․․․․․ na ․․․․․․․ aparti sma, èn taki den no de wán sma, taki den de wán soso foe di den de ․․․․․․․ makandra, èn taki a santa jeje no de wan ․․․․․․․, neleki fa a jeje foe grontapoe no de wan ․․․․․․․ [jv bladzijde 123 paragraaf 4]
25. Tapoe 22 juni 1977, toe wiki baka brada Knorr dede, ․․․․․․․ tron a presidenti foe a Watch Tower Society. [jv bladzijde 109 paragraaf 3]
Teki a joisti piki na ini ibriwan foe den froeklari di e kon now:
26. Sma ben spotoe nanga den froekoe kresten èn ben taki dati den kresten no ben wani si a libisma famiri na ai, foe di kresten (no ben wani taki nanga sma di no ben bribi; no ben anbegi kroektoe gado; ben wai pasi gi ontspanning di de ogri èn di no ben de akroederi boen gwenti nanga wet). [uw bladzijde 163 paragraaf 7]
27. Ini na agersitori foe Jesus na Mateus 13:36-43, a tarwe e prenki (den getrow man foe owroeten; a bigi ipi; den salfoe kresten), ala di den takroe wiwiri e prenki (ala den sma di no e bribi; sma di e doe neleki den de kresten; den leriman foe wet nanga den Fariseiman). [uw bladzijde 179 paragraaf 7]
28. A moro prenspari prakseri foe Gado na (a froeloesoe di a wani froeloesoe libisma; a pori di a sa pori Didibri; a regtfardiki foe en soevereinfasi). [jv bladzijde 166 paragraaf 6]
29. Bigin nanga 1 oktober 1972, wan kenki feni presi na ini a fasi fa sani na ini na organisâsi ben orga, èn a ben sori taki (wan opziener; wan gemeente dinari; wan skin foe owroeman) ben moesoe poti na wroko foe sorgoe gi ibri gemeente. [jv bladzijde 106 paragraaf 2]
30. A moro boen tori di skrifi foe a fasi fa iniwan foe den profeiti foe fosi ben libi, wi abi foe Jeremia, boti di foe (Danièl; Jesaja; Moses). [si bladzijde 124 paragraaf 5]
Soekoe a joisti tekst gi ibriwan foe den froeklari dja na ondrosei:
Lef. 17:11, 12; Jes. 43:10; Jer. 7:31; Joh. 10:16; Tori. 4:13
31. A kisi di wan sma kisi pikinso grontapoe leri no e meki taki a sma no de bekwaam foe kon tron wan preikiman foe a boen njoensoe di e preiki sondro frede. [uw bladzijde 172 paragraaf 8]
32. A wan-enkri fasi fa broedoe kan gebroiki di e kroederi nanga bijbel e poti krakti na tapoe a santa di broedoe santa èn a e poti krakti na tapoe a waarde foe na ofrandi foe Krestes. [uw bladzijde 159 paragraaf 11]
33. Strei no de na mindri a salfoe groepoe nanga a bigi ipi, èn wi no e denki toe taki a wan de moro hei noso moro mendri leki a trawan, foe di den abi difrenti howpoe noso posisi. [jv bladzijde 171 paragraaf 2]
34. No wan sma ben de bifo Jehovah; no wan gado ben de bifo en, èn no wan sa kon baka en, foe di a de a Moro Hei Soeverein foe têgo. [Alawiki bijbelleisi pisi; loekoe wO92 15/1 bladzijde 22.]
35. Moro foeroe bigisma no ben sa denki foe gi den pikin foe den srefi leki wan òfer na kroektoe gado na ini a ten disi, ma tokoe sma e kiri someni miljoenmiljoen beibi foe espresi nanga jepi foe abortus, èn miljoenmiljoen jongoewan seni go na feti, èn den lasi den libi. [Alawiki bijbelleisi pisi; loekoe wO88 15/1 bladzijde 31.]