Gebroiki inleiding di abi boen bakapisi nanga a Libi foe têgo-boekoe
1 Jesus ben de bekwaam ini a gebroiki di a ben gebroiki inleiding. A ben sabi san foe taki foe wiki a belangstelling foe sma. Na wan okasi a ben bigin wan takimakandra nanga wan Samaria oema soso foe di a ben aksi en watra foe dringi. Wantewante disi ben hari en prakseri, bikasi „djoe no ben abi noti foe doe nanga Samariasma”. A takimakandra di ben hori baka dati, te foe kaba ben jepi na oema nanga foeroe trawan foe kon tron bribiman (Joh. 4:7-9, 41). Wi kan leri foe na eksempre foe Jesus.
2 Te joe e sreka joesrefi foe pristeri a Libi foe têgo-boekoe, dan aksi joesrefi: „San na den moro prenspari broko-ede foe sma ini wi kontren? San sa hari a prakseri foe wan jongoewan, wan moro owroe sma, wan masra noso wan wefi?” Joe ben kan sreka joesrefi tapoe moro leki wan inleiding èn meki plan foe gebroiki a wan di sori leki a fiti moro boen na a situwâsi.
3 Foe di a go di na osofamiri-libi e go na baka e gi foeroe sma broko-ede, dan joe ben sa kan taki:
◼ „Den aladei kwinsi foe a libi hebi srefisrefi gi den osofamiri na ini a ten disi. Pe den kan feni jepi? [Gi okasi foe piki.] Bijbel kan de wan troetroe jepi gi wi. [Leisi 2 Timoteus 3:16, 17.] Den Boekoe foe bijbel e gi tirilin di de boen èn di kan jepi den osofamiri foe hori doro. Loekoe san paragraaf 3 tapoe bladzijde 238 foe a poeblikâsi disi, Joe kan libi foe têgo na ini wan paradijs na grontapoe, e taki.” Leisi paragraaf 3 èn pristeri a boekoe.
4 Efoe joe e gebroiki wan sani di pasa ini a kontren, dan joe ben sa kan taki:
◼ „Joe ben jere a njoensoe foe [taki foe wan sani di pasa ini a kontren èn di e gi sma broko-ede]? San joe ben denki foe dati? [Gi okasi foe piki.] A e meki joe aksi joesrefi pe a grontapoe disi e go, a no so? Bijbel ben taki foe den sani disi na fesi, leki wan boeweisi taki wi e libi ini den lasti dei.” Dan loekoe den bodoi na ini a Libi foe têgo-boekoe, tapoe bladzijde 150-153.
5 Foeroe sma e broko den ede nanga a problema foe takroedoe di e kon moro foeroe. Joe ben kan gebroiki a fosi inleiding ondro na ede „Misdaad/Veiligheid” tapoe bladzijde 13 foe a „Redeneren”-boekoe (Taki-go-taki-kon-boekoe):
◼ „Wi e taki nanga sma foe a tori foe persoonlijk veiligheid. Foeroe takroedoe de lontoe wi, èn a abi krakti na tapoe wi libi. San, joe denki, ben sa de fanowdoe gi sma neleki joe nanga mi foe abi a firi taki wi de fri foe ogri na strati te neti?” Joe ben sa kan leisi Psalm 37:10, 11 èn sori go na den blesi di a Kownoekondre foe Gado sa tjari kon, foe di joe e gebroiki bladzijde 156 te nanga 158 foe a Libi foe têgo-boekoe.
6 Efoe joe e froekisi wan moro makriki fasi foe bigin, dan joe ben sa kan gebroiki wan inleiding di de a srefi leki a wan di joe kan feni na ondro na ede „Toekomst/Zekerheid” tapoe bladzijde 14 foe a „Redeneren”-boekoe (Taki-go-taki-kon-boekoe):
◼ „Wi e gi wi birtisma deki-ati foe prakseri foe a toemoesi moi ten di de na wi fesi èn di sa kon troetroe, soleki fa bijbel e taki. [Leisi Openbaring 21:3, 4.] Fa joe feni a sani disi? [Gi okasi foe piki.] Kapitel 19 foe a poeblikâsi disi e poti krakti na tapoe tra blèsi di sma di e gi jesi sa ondrofeni na ondro a Kownoekondre foe Gado.” Efoe a sma abi belangstelling, dan pristeri a Libi foe têgo-boekoe.
7 A sreka di joe e sreka joesrefi tapoe wan inleiding di abi boen bakapisi, kan jepi joe foe doro den wan di e angri foe regtfardikifasi. — Mat. 5:6.