Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 2 september te nanga 23 december 1996. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso efoe den fowtoe:
1. A taki di den disipel foe Krestes ben taki a Wortoe foe Gado fri èn sondro frede na a Pinksterfesa, èn a teki di den ben teki prati na wan faja fasi na a wroko foe gi kotoigi, ben de wan boeweisi taki den ben abi a santa jeje. [rs bladzijde 157 paragraaf 3]
2. Foe taki leti, no wan „bigi fisi” de di man swari wan heri libisma (Jona 1:17). [si bladzijde 153 paragraaf 4]
3. So langa wi de opregti èn de nanga faja ini na anbegi foe wi, dan dati nofo foe plisi Gado. [kl bladzijde 46 paragraaf 7 nanga 8]
4. A profeititori na ini Danièl 9:24, 25 e sori go na a geborte foe Jesus. [kl bladzijde 36 paragraaf 8]
5. A fasi fa bijbel e si seks, na gewoon wan fasi foe denki di son sma, di ben libi foeroe jari pasa kaba, ben abi. [rs bladzijde 390 paragraaf 2]
6. Foe di libisma kisi sondoe nanga dede foe Adam, meki ala sma e dede èn e tron doti baka, neleki den meti. [rs bladzijde 159 paragraaf 1]
7. A profeititori foe Hosea ben sori spesroetoe go na a toe-lo kownoekondre foe Juda. [si bladzijde 144 paragraaf 8]
8. A fosi markitiki foe kan dini ini wan Regionaal bowkomte na foe abi boen ondrofeni ini bow afersi èn abi sabi foe konstruktiewroko. [jv bladzijde 326 paragraaf 1]
9. Soleki fa skrifi na ini Sefanja 3:9, dan a pipel foe Gado sa de ini wánfasi na ini a njoen grontapoe, bika den alamala sa taki wán tongo — a Hebrewtongo. [Alawiki bijbel leisiprograma; loekoe w089 1/6 bladzijde 30.]
10. Bijbel e sori taki a sili na wan sma noso wan meti, noso a libi di wan sma noso wan meti abi. [rs bladzijde 430 paragraaf 3]
Gi piki tapoe den aksi di e kon now:
11. Foe san ede a fiti taki den kari den moro prenspari presi pe den gemeente e kon makandra na heri grontapoe, Kownoekondre zaal, èn pe a fosi zaal di ben kisi a nen disi ben tanapoe? [jv bladzijde 319 paragraaf 2]
12. Sortoe bijbel froeklari di den dri Hebrew man ben gi e sori taki a gi di den ben gi jesi na Gado no ben anga foe a kibri di Gado ben o kibri den èn a fri di Gado ben o fri den? (Dan. 3:16-18) [si bladzijde 141 paragraaf 19]
13. Sortoe bijbeltekst e taki na fesi foe a presi pe a Mesias ben o gebore? [si bladzijde 156 paragraaf 6]
14. Foe san ede meki krakti wroko di sma ben sa doe na ini a nen foe Jesus no ben sa de boeweisi di de seiker taki den abi a boen-ati foe Gado noso taki Gado e horibaka gi den? [kl bladzijde 46 paragraaf 6 nanga 7]
15. Foe san ede Jehovah Kotoigi no e begi taki Gado tjari wan kaba kon wantewante na feti nanga na a mankeri foe njanjan èn taki Gado tapoe ala froefolgoe? [jv bladzijde 317 paragraaf 4]
16. Fa a troe anbegi abi krakti na tapoe a fasi fa wi e handri nanga tra sma? (Joh. 13:35) [kl bladzijde 51 paragraaf 19]
17. San na wan toe profeititori di ben kon troe na ini Jesus? [kl bladzijde 37; loekoe a boksoe.]
18. San e sori taki Jehovah no e teki sma partèi? (Tori. 10:34, 35) [kl bladzijde 30 paragraaf 20]
19. Na ini Hagai 2:9, sortoe tempel ben de a „lasti oso”, sortoewan ben de „a fosiwan”, èn foe san ede a glori foe a „lasti oso” ben de moro bigi leki di foe „a fosiwan”? [Alawiki bijbel leisiprograma; loekoe w089 1/6 bladzijde 30.]
20. Sortoe tranga Hosea 14:2 ben gi den Israèlsma foe den doe, èn fa Jehovah Kotoigi e meki a profeititori dati kon troe na ini a ten disi? (Hebr. 13:15) [Alawiki bijbel leisiprograma; loekoe w94 1/9 bladzijde 19 paragraaf 1 nanga 2.]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. A profeiti ․․․․․․․ ben kari a foto ․․․․․․․ a foto di e trowe broedoe, sowan 200 jari baka di ․․․․․․․ ben kaba a wroko di Gado ben gi en foe doe drape. [si bladzijde 154 paragraaf 10 nanga bladzijde 160 paragraaf 10]
22. Wi moesoe anbegi Gado nanga ․․․․․․․, èn wan ati di foeroe nanga bribi èn nanga lobi moesoe boeweigi wi foe doe dati; wi moesoe anbegi en nanga ․․․․․․․ toe, foe di wi e studeri a Wortoe foe en. [kl bladzijde 45 paragraaf 4]
23. Bijbel e taki dati den meti na ․․․․․․․ (Gen. 1:20, 21, 24, 25). [rs bladzijde 431 paragraaf 4]
24. Jehovah e kibri wi gi ogri jeje krakti te wi e ․․․․․․․ èn te wi e ․․․․․․․, ala di wi e saka wisrefi na ondro ․․․․․․․ èn e ․․․․․․․ na den komando foe en. [rs bladzijde 396 paragraaf 2]
25. Dri boeweisi di e sori taki Jesus ben de a Mesias na (1) ․․․․․․․, (2) ․․․․․․․, nanga (3)․․․․․․․ [kl bladzijde 34 te nanga 38 paragraaf 6 te nanga 10]
Teki a joisti piki na ini ibriwan foe den froeklari di e kon now:
26. A froestan di a tiriskin foe a fosi jarihondro ben froestan Amos (8:11; 9:2, 3; 9:11, 12) ben jepi den foe kon sabi taki a ben de a wani foe Gado foe sma di no ben de Israèlsma, tjari kon makandra na ini a kresten gemeente (Tori. 15:13-19). [si bladzijde 150 paragraaf 16]
27. Di Jehovah ben kari (Amos; Joèl; Habakuk), a no ben de wan profeiti noso a manpikin foe wan profeiti, ma a ben de wan sma di ben e kweki skapoe èn wan sma di ben e meki olo na ini (dadel; figa; olijf) foe sikomoor bon. [si bladzijde 148 paragraaf 1]
28. A wortoe „sodomie” e kon foe a nen (Gomora; Sodom; Ninive), di moro foeroe e sori go na (homo-sekslibi; ogridoe; sondoe). [rs bladzijde 389 paragraaf 4]
29. A Hebrew wortoe foe sili na (roe’ach; ne’fesj; psu’che). [rs bladzijde 432 paragraaf 1 te nanga bladzijde 433 paragraaf 4]
30. Kownoe (Saul; David; Manase) ben e wroko nanga obia, ben e loekoe marki foe san o kon, ben poti sma di de leki wan asi foe den jeje èn ben poti sma di ben abi a wroko foe taki sani na fesi (2 Kow. 21:6). [rs bladzijde 394 paragraaf 5]
Soekoe a joisti tekst gi ibriwan foe den froeklari dja na ondrosei: Ps. 104:30; Sef. 2:3; Mark. 7:6, 7; Jak. 1:26, 27; 1 Joh. 2:15-17
31. Efoe wi wani anbegi Gado na a fasi di en e feni boen, dan no wawan na anbegi no moesoe kon doti nanga doe foe grontapoe, ma a wani taki so srefi ala sani di Gado e si leki prenspari sani. [kl bladzijde 51 paragraaf 20]
32. A santa jeje a no wan sma, ma wan tranga krakti di Gado e meki komoto na en srefi go na doro foe doe en santa wani. [rs bladzijde 157 paragraaf 1]
33. Biginbigin, den Israèlsma ben libi akroederi a soifri relisi di Gado ben gi, ma den leri nanga den filosofia foe libisma ben meki a relisi kon doti. [kl bladzijde 48 paragraaf 12]
34. Leki troe kresten, wi moesoe tan farawe foe iniwan wroko di e sori a jeje foe na ogri grontapoe lontoe wi. [kl bladzijde 50 paragraaf 17]
35. Wi no kan si a sari-ati foe Gado leki wan gewoon sani. [si bladzijde 165 paragraaf 11]