Wan toe sani
◼ Poeblikâsi di wi sa pristeri na ini januari: Ibri boekoe di abi 192 bladzijde èn di kon na doro bifo 1984, èn di a gemeente abi. Den gemeente di no abi den sortoe boekoe disi, kan pristeri Overleving en daarna een nieuwe aarde (Pasa libilibi go na ini wan njoen grontapoe), Ware vrede en zekerheid—Hoe kunt u die vinden? (Troe vrede nanga seikerfasi—Fa joe kan feni en?), noso Werelomvattende zekerheid onder de „Vredevorst” (Seikerfasi na heri grontapoe na ondro a „Kownoe foe vrede”). Februari: De Openbaring—Haar grootse climax is nabij! (Na Openbaring—En moro bigi heimarki de krosibei!) Maart: A sroto gi wan kolokoe osofamiri. April: Aparti eksemplaar foe A Waktitoren nanga Ontwaakt! Gi gebied di den gemeente wroko foeroe, den kan gebroiki a njoen brochure San Gado e aksi foe wi?
◼ Ala dopoe preikiman di de na tapoe a diniwroko-konmakandra na ini a wiki foe 6 januari sa kisi wan broedoekarta (Vooraf opgestelde medische richtlijn/ontheffing) èn na Identiteit-karta (Identiteitskaart) gi den pikin foe den.
◼ Bigin na ini februari, èn no moro lati leki 2 maart, a njoen poeblikitaki gi kring-opziener sa de: „Gebroiki leri foe prèise Jehovah.”
◼ Gemeente moesoe sreka sani di fiti foe hori a Memrefesa di sa hori a jari disi na tapoe sonde 23 maart na baka te son dongo. Ala di a lezing kan bigin moro froekoe, a pasa nanga a brede nanga a win sa bigin te son dongo kaba. Aksi na presi na ini joe kontren foe sabi o lati son e dongo na ini joe gebied. Foe di no wan konmakandra, boiti den di foe velddienst moesoe hori na tapoe a dei dati, dan kenki di e fiti moesoe meki foe hori a Waktitoren-studie na tapoe wan tra ten. Den kring-opziener sa abi foe kenki a konmakandra schema foe den foe a wiki akroederi fa sani de na ini a gemeente di den e fisiti. Ala di a de wan boen sani taki ibri gemeente e hori en eigi Memrefesa, disi no kan ala ten. Pe wan toe gemeente gwenti foe gebroiki a srefi Kownoekondre zaal, kande wán noso moro gemeente kan gebroiki wan tra presi tapoe a neti dati. A Memrefesa no moesoe bigin so lati taki njoensma di abi belangstelling e feni en moeilijk foe de drape. Moro fara, a programa no moesoe strak so dati ten no de bifo noso baka a fesa foe gi fisitiman odi, foe sreka sani foe tan jepi son sma na jejefasi, noso foe njan boen foe a gi di wi e gi makandra deki-ati. Baka te owroeman loekoe den sani disi finifini, den moesoe bosroiti san na den moro boen sani di moesoe sreka foe jepi den wan di e fisiti a Memrefesa, so taki den sma disi kan kisi winimarki dorodoro foe a fesa.
◼ A spesroetoe poebliki taki na ini a ten foe a Memrefesa foe 1997, sa hori tapoe sonde 6 april. Den gemeente sa kisi wan schema. Den gemeente di abi fisiti foe a kring-opziener, di abi wan kring-konmakandra, noso wan spesroetoe dei-konmakandra na a kaba foe a wiki dati, sa abi a spesroetoe taki a tra wiki. No wan gemeente moesoe hori a taki bifo 6 april.
◼ A skin foe owroeman moesoe sabi taki den kenki di e kon now, de fanowdoe te a gemeente abi bigi konmakandra: Te wan spesroetoe dei-konmakandra o hori, dan a gemeente moesoe abi ala den gewoon konmakandra na mindri wiki, soso a poeblikitaki nanga a Waktitoren-studie no sa hori. Te den sa hori wan kring-konmakandra, a gemeente no sa hori a theokrasia diniwroko-skoro nanga a diniwroko-konmakandra toe; soso a gemeente boekoestudie sa hori na ini a wiki dati.
◼ Njoen poeblikâsi di de foe kisi:
A sroto gi wan kolokoe osofamiri—Bakratongo, Ingrisitongo, Potogisi, Sneisitongo, Sneisitongo (makriki), Spanjoro nanga Sranantongo
San Gado e aksi foe wi?—Bakratongo, Ingrisitongo, Patois, Potogisi, Sneisitongo, Sneisitongo (makriki), Spanjoro nanga Sranantongo
◼ Njoen cassette di de foe kisi:
San Gado e aksi foe wi?—Ingrisitongo (wán cassette)
◼ Njoen videocassette:
De Nieuwe-Wereldmaatschappij in actie—Bakratongo
◼ Njoen Compact Disk di de foe kisi:
Kingdom Melodies Volume 3 (cdm-3)—Ingrisitongo
◼ Njoen CD-ROM:
Watchtower Library, 1995—Ingrisitongo