A Memrefesa—Wan toemoesi prenspari sani!
1 Tapoe sonde 23 maart, baka te son dongo, wi sa hori a Memrefesa foe a dede foe Krestes (Luk. 22:19). Foe troe disi na wan sani di de toemoesi prenspari! Foe di Jesus ben hori en soifri retifasi na Jehovah te na dede, Jesus ben sori taki a kan taki wan libisma e gi ensrefi dorodoro na a anbegi foe Gado, srefi na ondro hebi druk, èn na so wan fasi hori a reti foe a soevereinfasi foe Jehovah hei (Hebr. 5:8). Boiti dati, a dede foe Krestes sorgoe taki libisma kisi wan volmaakti libisma ofrandi di ben de fanowdoe foe fri libisma, èn meki taki a man taki den wan di sori bribi e libi foe têgo (Joh. 3:16). Te wi de na a Memrefesa wi kan sori na opregti warderi foe wi gi a lobi foe Jehovah èn gi na ofrandi foe Jesus gi wi.
2 Wi alamala e kisi a deki-ati foe leisi a bijbel-leisi programa gi a pisiten foe 18-23 maart, soleki fa dati de na tapoe a Kalender van Jehovah’s Getuigen 1997 (Kalender foe Jehovah Kotoigi — 1997). So srefi wan takimakandra nanga na osofamiri foe den kapitel 112-116 foe a boekoe A moro bigi man di oiti ben libi, sa jepi wi foe hori wi prakseri na tapoe a moro prenspari wiki na ini a libisma historia.
3 Joe kan doe moro na ini a velddienst na ini a pisi ten foe a Memrefesa? Foeroe preikiman sa meki gebroiki foe den feifi weekend na ini maart foe dini leki jepi-pionier. Foe san ede joe no de wan foe den? Wi alamala kan abi wan doronomo prati na ini a poti di wi e poti krakti tapoe a prensparifasi foe go na a Memrefesa. Foe di a e fadon na tapoe wan sonde, a sa de moro makriki gi foeroe sma foe go. Sorgoe taki joe gi ala bijbelstudenti nanga sma di abi belangstelling wan kari foe kon makandra nanga wi. Taki nanga den san de tapoe bladzijde 127, paragraaf 18, na ini a Sabi-boekoe, foe a wan dei na ini a jari di wi moesoe hori spesroetoe.
4 Loekoe go na a moro bigi sani foe 1997, ala di joe abi dipi warderi gi ala san a dede foe Jesus wani taki gi wi. De na tapoe a mofo-neti foe 23 maart, te troe kresten na ala presi sa hori a Memrefesa na wan getrowfasi.