Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 1 september te nanga 22 december 1997. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso fowtoe:
1. Ala di a tori e skrifi taki kownoe Joram di no ben de getrow, ben tiri a noordsei kownoekondre foe Israèl, tokoe wi no sabi soema en papa nanga mama ben de noso fa a dede. [it-1 blz. 1333 par. 9, blz. 1334 par. 4]
2. Na Lukas 22:30, „den twarfoe lo foe Israèl” wani taki a srefi leki na Mateus 19:28, pe a no abi foe doe nanga den jeje ondro-priester foe Jesus, ma so srefi nanga ala den tra sma foe a libisma famiri. [Alawiki bijbel leisiprograma; loekoe wO87 1/3 blz. 27 par. 10; blz. 28 par. 12.]
3. A reide foe san ede den disipel foe Jesus ben froewondroe di a ben taki nanga wan Samaria oema, ben de foe di na oema ben abi wan hoeroedoe libi. (John 4:27) [Alawiki bijbel leisiprograma; loekoe wSR95 1/7 blz. 27 par. 1-2.]
4. Den wortoe „foe sensi a bigin” na ini Johanes 6:64 e sori taki Jesus ben sabi na a ten di a ben teki Judas leki wan apostel, taki Judas ben sa de a sma di ben sa tori En. [Alawiki bijbel leisiprograma; loekoe it-1 blz. 1361 par. 7-blz. 1362 par. 2]
5. A handvest foe a Genootschap foe 1884 ben taki dati na organisâsi ben de soso wan organisâsi di e tjari poeblikâsi kon na doro. [jv blz. 576 par. 1]
6. Exodus 21:22, 23 e jepi wi foe froestan taki Gado e si a libisma pikin di no gebore ete leki wan warti libi. [kl blz. 128 par. 21]
7. A „fesa foe den djoe” di e kari na ini Johanes 5:1 e sori go na a Paska foe 31 G.T. [si blz. 194 par. 8]
8. Foe prati a Kownoekondre boskopoe nanga jepi foe radio nanga telefisi abi a srefi bakapisi leki iniwan tra fasi di wi e gebroiki kande. [jv blz. 572 par. 2]
9. Foe di Jojakin ben tron papa foe seibi manpikin, dan a komando na ini bijbel foe „skrifi a man disi leki wan sma di no abi pikin” ben moesoe de wan fowtoe. (Jer. 22:30) [it-1 blz. 1322 par. 1]
10. A no abi trobi efoe lanti de regtfardiki efoe no, tokoe troe kresten moesoe skrifi a trow foe den na wan joisti fasi na ini lantiboekoe. [kl blz. 122 par. 11]
Gi piki tapoe den aksi di e kon now:
11. Soleki fa na eksempre foe den fosi jarihondro kresten foe Efeise e sori, san na wan prenspari sani di moesoe doe foe kakafoetoe gi den ogri jeje? (Tori. 19:19) [kl blz. 114 par. 14]
12. Fa son engel ben sondoe na ini a ten foe Noa? [kl blz. 109 par. 4]
13. Foe san ede Jesus ben weigri foe abi foe doe nanga wan kesekese foe wan erfenis? (Luk. 12:13, 14) [Alawiki bijbel leisiprograma; loekoe wSR97 1/4 blz. 28.]
14. San den disipel no ben sabi di den ben aksi Jesus efoe a ben o seti a Kownoekondre foe Israèl baka, soleki fa a skrifi na ini Tori foe den Apostel 1:6? [Alawiki bijbel leisiprograma; loekoe wSR90 1/6 blz. 7 par. 4.]
15. Foe san ede Adolf Hitler no ben man doe a bedreigi di a ben bedreigi taki a ben o kiri a pipel foe Jehovah? [jv blz. 553 par. 2-4]
16. Fa Ja-irus ben sori taki a ben abi bribi na ini a man di Jesus man dresi sma? (Mark. 5:22-24) [it-1 blz. 1190 par. 1]
17. Foe san ede a Nieuwe-Wereldvertaling e taki dati „a Wortoe ben de wan gado” èn no e taki „a Wortoe ben de Gado”, soleki fa tra bijbelvertaling e doe dati na Johanes 1:1? [Alawiki bijbel leisiprograma; loekoe rs 229 par. 4.]
18. Soleki fa a boekoe Openbaring e sori, pe „den sma di e doe afkodrei” sa kon de te foe kaba efoe den no abi berow èn e kenki den pasi foe den? [kl blz. 112 par. 8]
19. Ala di Jesus ben de wan volmaakti man èn a ben erken en ròl leki Leriman, foe san ede a no ben wani meki den kari en „Boen Leriman”? (Luk. 18:18, 19) [Alawiki bijbel leisiprograma; loekoe wSR95 1/3 blz. 18 par. 7.]
20. San ben de a njoen sani na ini a komando di skrifi na ini Johanes 13:34? [Alawiki bijbel leisiprograma; loekoe wSR90 1/2 blz. 21 par. 5-6.]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. Na eksempre foe ․․․․․․․, a Gatiet, di ben sori taki a ben de loyaal na ․․․․․․․, moesoe boeweigi wi foe sori a srefi eigifasi disi gi den sma di e teki fesi na ini Jehovah organisâsi na ini a ten disi. (2 Sam. 15:21) [it-1 blz. 1177 par. 11]
22. Den „tin mina” e prenki ․․․․․․․ di den disipel di salfoe nanga santa jeje ben kan gebroiki foe meki moro ․․․․․․․ kon gi a hemel Kownoekondre (Luk. 19:13). [Alawiki bijbel leisiprograma; loekoe wO89 1/10 blz. 8.]
23. Den dri falsi kragi di den djoe ben meki teige Jesus, gi Pilatus, a tiriman foe Rome na ini Judea, ben de taki Jesus ben gi a ․․․․․․․ tranga foe meki oproeroe, taki a ben tapoe sma foe ․․․․․․․, èn taki a ben kari ensrefi ․․․․․․․ (Luk. 23:2). [Alawiki bijbel leisiprograma; loekoe wSR91 1/4 blz. 32 par. 13.]
24. Troe kresten no e hori kresneti noso iniwan tra fesa di gron tapoe falsi relisi bribi, bika den e ․․․․․․․; den no e hori fesa toe di e meki sondoe libisma noso nâsi tron ․․․․․․․ [kl blz. 126 par. 16]
25. Na ․․․․․․․ ben skrifi a boekoe Tori foe den Apostel di a ben de na ini ․․․․․․․ [si blz. 199 par. 3]
Teki a joisti piki na ini ibriwan foe den froeklari di e kon now:
26. Na a ten foe a jari 1992, moro leki (2.500; 4.500; 6.500) studenti foe (40; 80; 110) kondre ben kisi leri na Gilead èn ben dini baka dati na ini moro leki (100; 150; 200) kondre nanga eilanti groepoe. [jv blz. 524 par. 2]
27. Na ini (1877; 1879; 1881), Charles T. Russell ben tjari a brochure The Object and Manner of Our Lord’s Return kon na doro, èn na ini (1877; 1879; 1881) a ben bigin tjari Zion’s Watch Tower and Herald of Christ’s Presence kon na doro. [jv blz. 557 par. 1]
28. A libi di wi e libi na a fasi fa Gado wani e gi wi a djaranti taki (ala ten tra sma sa handri boen nanga wi; wi sa abi kefalek foeroe materia sani now; Gado sa feni wi boen bika wi e doe san boen). [kl blz. 118 par. 2]
29. Di Jesus ben aksi na apostel Petrus, „joe lobi mi moro leki den wan disi?”, A ben aksi Petrus efoe a ben lobi En moro leki (a ben lobi den tra disipel disi; den tra disipel disi ben lobi Jesus; a ben lobi den sani disi, soleki den fisi) (Joh. 21:15). [Alawiki bijbel leisiprograma; loekoe wO88 1/11 blz. 31 par. 9.]
30. Gi a moro bigi pisi, den sma di ben teki fesi foe prati a boen njoensoe ben de (goedoe sma; sma di grontapoesma ben si leki prenspari sma; gewoon sma). [jv blz. 548 par. 3]
Soekoe a joisti tekst gi ibriwan foe den froeklari dja na ondrosei:
2 Kow. 10:15, 16; Odo 3:9, 10; Luk. 9:60, 62; 13:4, 5; Rom. 9:10-12
31. Jesus ben taki teige a bribi di sma e bribi taki a lot ben bepaal kaba na fesi, di a ben taki foe wan kefalek rampoe di en arkiman ben sabi heri boen, èn di a ben kari leki bakapisi foe ten nanga sani di pasa èn di sma no sabi na fesi.[Alawiki bijbel leisiprograma; loekoe wO96 1/9 blz. 5 par. 5.]
32. Jehovah ben sori taki a kan sabi a spesroetoe eigifasi foe wan sma di no gebore ete èn foe gebroiki a sabi di a sabi sani na fesi èn a reti di a abi foe froekisi na fesi soema a wani teki gi den prakseri foe en. [it-1 blz. 1191 par. 1]
33. A gi di wan sma e gi ensrefi nanga en heri sili de fanowdoe foe kan go na ini a Kownoekondre. [si blz. 192 par. 32]
34. Jehovah sa blesi wi te wi e gebroiki wi ten, krakti, nanga tra goedoe, so srefi wi moni, foe horibaka gi a troe anbegi. [kl blz. 120 par. 8]
35. Wan sma moesoe horibaka na wan loyaal fasi gi den wan di e teki fesi na ini na anbegi foe Jehovah. [it-1 blz. 1329 par. 1]