Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 4 mei te nanga 24 augustus 1998. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso fowtoe:
1. Soleki fa a bijbel verslag e sori, dan Paulus ben fisiti Korente dri tron. [si blz. 214 par. 3]
2. Den stap di wan sma e teki foe kan teki dopoe, e bigin nanga a teki di a e teki soifri sabi foe Jehovah Gado nanga Jesus Krestes na ini en ati. [kl blz. 173 par. 7]
3. Efeisesma 5:13 wani taki dati den doe foe grontapoe na sondoe èn sma kan erken den doe disi leki troetroe sondoe, te den e si den sani disi leki fa Gado Wortoe e taki foe den. [Alawiki bijbel leisiprograma; loekoe itO-2 blz. 198 par. 1.]
4. Wi kan froedini libi foe di wi e dini Jehovah Gado. [kl blz. 182 par. 4]
5. A tekst na Galasiasma 5:26 e sori taki troe kresten no moesoe abi prati na ala sport nanga prei di sma e prei foe strei. [Alawiki bijbel leisiprograma; loekoe gO95 8/12 blz. 15 par. 8.]
6. Ala di Josef foe Arimatea nanga deki-ati ben aksi a skin foe Jesus foe kan poti en na ini wan grebi, tokoe a ben moesoe wini a frede di a ben frede den djoe di no ben bribi. [itO-1 blz. 1348 par. 7]
7. Paulus ben skrifi a brifi gi den Filipisma wan toe moen nomo baka di a ben opo a gemeente na Filipi, èn a ben skrifi a brifi disi foe di serjoesoe problema ben opo kon na mindri den. [si blz. 224 par. 3]
8. Soleki fa skrifi na 1 Timoteus 3:16 dan den „ben froeklari [Jesus] regtfardiki na ini jeje”, foe di a ben kisi jeje libi na a opobaka foe en; disi ben wani taki so srefi a froeklari di Gado ben froeklari taki Jesus ben de regtfardiki krinkrin èn ben warti foe kisi moro hei toewijzing. [Alawiki bijbel leisiprograma; loekoe wO90 15/1 blz. 13 par. 12.]
9. Soleki fa a sori, dan „a kon di mi sa kon fri” soleki fa skrifi na Filipisma 1:23, na a froewakti di Paulus ben froewakti foe de nanga Krestes wantewante baka te a dede. [Alawiki bijbel leisiprograma; loekoe wO95 1/3 blz. 30 par. 4.]
10. Paulus ben skrifi 1 Timoteus na ini a pisi ten baka di a ben loesoe foe doengroe-oso na Rome a fosi leisi èn fosi a ben go na doengroe-oso na Rome a lasti tron. [si blz. 234 par. 2]
Gi piki tapoe den aksi di e kon now:
11. Na sortoe fasi wan toe sma na Korente ben gebroiki den simbôl „na wan fasi di no fiti” di den ben kon makandra foe hori a Memrefesa foe a dede foe Krestes? (1 Kor. 11:27) [Alawiki bijbel leisiprograma; loekoe wO90 15/2 blz. 19 par. 17.]
12. Sortoe sma di ben de na ini a gemeente foe Korente èn di ben de wan kefar gi a boen foe a gemeente, ben boeweigi Paulus foe skrifi en di foe toe brifi gi den Korentesma? [si blz. 214 par. 2]
13. Fa Jehovah sa pai wi baka, gi iniwan sani di wi e òfer kande foe na anbegi foe En ede? [kl blz. 169 par. 20]
14. San ben pasa foe di kroetoe afersi ini a tori foe a troe anbegi, ben tjari go na moro hei kroetoebangi? [jv blz. 683 par. 3]
15. Fa Paulus ben poti nanga a fasi fa en ben gebroiki a Wortoe foe Gado, wan heri moi eksempre gi kresten dinari na ini a ten disi? [si blz. 217 par. 19]
16. San na apostel Paulus ben wani taki di a ben taki dati a Wet „ben poti foe meki sondoe kon na krin”? (Gal. 3:19) [Alawiki bijbel leisiprograma; loekoe uw blz. 147 par. 3, 4.]
17. Sortoe reide Paulus abi foe prèise den brada na ini Filipisma 1:3-7, èn fa wi kan kisi winimarki foe na eksempre foe den? [si blz. 225 par. 12]
18. Foe san ede ala kresten dinari moesoe waka na baka a rai di skrifi na Kolosesma 4:6? [si blz. 228 par. 13]
19. San na apostel Paulus ben wani taki di a ben taki dati a ben wani dati den oemasma „e moi densrefi . . . nanga bescheidenfasi”? (1 Tim. 2:9) [Alawiki bijbel leisiprograma; loekoe g90 22/6 blz. 19 par. 2.]
20. Foe san ede kresten moesoe arki a warskow foe Paulus na 1 Timoteus 6:4 foe „a hari di sma e haritaki nanga wortoe”? [si blz. 236 par. 15]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. Na ini a jari ․․․․․․․, wan kroederi ben sroto na mindri a ․․․․․․․ nanga nazi-Doisrikondre èn Hitler ben bigin wan feti foe poeroe ala ․․․․․․․ na ini Doisrikondre. [jv blz. 659 par. 2]
22. A fosi brifi di Paulus ben skrifi gi den Korentesma e gi wi foeroe winimarki, foe di a e meki wi froestan den ․․․․․․․, pe Paulus e teki foeroe sani taki na ini a brifi gi den Korentesma. [si blz. 213 par. 23]
23. Na ini en brifi gi den Galasiasma, Paulus e sori taki Jehovah e froeklari wan sma regtfardiki foe di a sma e ․․․․․․․ na ini Krestes Jesus, no foe di sma e doe wroko foe a ․․․․․․․, èn foe dati ede ․․․․․․․ no de fanowdoe gi kresten. [si blz. 218 par. 6]
24. Na ini en fosi brifi gi den Tesalonikasma, fo tron Paulus e taki foe a ․․․․․․․. foe Jesus Krestes, soleki fa a sori dan disi na foe di a gemeente ben abi belangstelling gi a leri disi. [si blz. 231 par. 15]
25. ․․․․․․․ ben skrifi a di foe toe brifi gi den Tesalonikasma na ini a jari ․․․․․․․ di a ben de na ․․․․․․․ [si blz. 232 par. 4]
Teki a joisti piki na ini ibriwan foe den froeklari di e kon now:
26. Na ini a taki di Paulus ben e taki foe a reti di a ben abi foe kisi den sani di a abi fanowdoe nanga jepi foe a diniwroko, dan Paulus ben sori go tapoe (Talmud; Misjna; Wet foe Moses), pe ben skrifi taki sma no moesoe tapoe a mofo foe meti di e wroko èn taki (den Leifisma; den Nethinim; a priester famiri foe Aron), di ben de na ini tempel diniwroko, ben kisi a porsi foe den foe na altari. [si blz. 213 par. 24]
27. A brifi foe Paulus gi den Galasiasma e gi a froeklari foe Jesaja 54:1-6, èn drape a e tjari kon na krin taki na oema foe Jehovah na (a Jerusalem na grontapoe; a Jerusalem na tapoesei; a Njoen Jerusalem). (Gal. 4:21-26) [si blz. 219 par. 16]
28. Na Efeisesma 1:10, a „tiri” e sori tapoe (a Mesian Kownoekondre; a Tiri Skin; a fasi fa Gado e tiri en osofamiri afersi). [si blz. 221 par. 8]
29. „A sma foe kroektoedoe di Paulus e kari na 2 Tesalonikasma 2:3 na (den sma foe a Djoe-bribi; a tiriman-groepoe foe krestenhèit; Babilon a Bigiwan). [Alawiki bijbel leisiprograma; loekoe wO90 15/1 blz. 18 par. 11.]
30. Efoe joe e tweifri serjoesoe na a sma di joe meki mofo nanga en, dan a de wan koni sani (foe meki den lobi firi foe joe poeroe ala tweifri; tapoe nanga a meki di joe meki mofo nanga a sma; tapoe joe ai gi den serjoesoe fowtoe èn howpoe taki a sa kon moro boen te oenoe trow kaba). [fy blz. 23 par. 19]
Soekoe a joisti tekst gi ibriwan foe den froeklari dja na ondrosei:
Num. 16:3; 1 Kor. 10:11, 12; 2 Kor. 4:7; 2 Kor. 8:14; Judas 1
31. Te wan sma e poti a kresten diniwroko na a fosi presi na ini en libi, dan a e kisi krakti di e komoto foe Gado. [Alawiki bijbel leisiprograma; loekoe wO90 1/3 blz. 29 par. 5.]
32. Wi moesoe teki a warskow eksempre foe den Israèlsma na ondro Moses, leki serjoesoe sani èn wi no moesoe froetrow tapoe wisrefi nomo. [si blz. 213 par. 23]
33. Den presenti foe kresten di goedoe èn di e lobi foe gi, kan jepi a nowtoe foe den wan na presi pe den no abi en so boen na materia sei, ala di a fajafasi nanga a hori di den wan di e pina e horidoro, kan de wan fonten foe bigi prisiri nanga deki-ati gi den sma di e gi den presenti. [Alawiki bijbel leisiprograma; loekoe wO93 15/12 blz. 21 par. 20.]
34. Foetoeboi foe Jehovah moesoe wani foe tan abi wan lobi fasi foe handri nanga makandra èn den moesoe wani wroko makandra; e kroetoekroetoe nomonomo kan pori a matifasi nanga trawan. [itO-2 blz. 105 par. 6]
35. Wi moesoe loekoe boen foe no go soekoe hei posisi foe di wi e sori a de di wi de krosibei famiri foe trawan. [itO-1 blz. 1364 par. 3]