De Klariklari fu Gi Wisrefi na Ibri Bun Wroko

Wi kan taki fu tru dati „furu” de „fu du na ini a wroko fu Masra” (1 Kor. 15:58). Na ini furu presi, sani de lepi fu koti, ma furu wrokoman no de. Disi de so na ini a grupu di e taki Potogisi èn di de wan pisi fu Gemeente Combé èn di abi a wroko fu preiki gi so wan 20.000 sma. Furu sma de di ben sa wani studeri, ma den weiniki preikiman fu a grupu no man sorgu gi ala den sma di abi belangstelling na ini a veld disi.

Fu dati ede, efu yu e taki a Potogisi tongo grati, èn wani yepi èn yu man du dati, dan fu san ede yu no e taki fu na afersi disi nanga den owruman na ini yu gemeente? Efu den e feni taki yu abi a bekwaamfasi fu gi so wan yepi, dan den kan taki nanga den owruman fu Gemeente Combé èn taigi den taki yu wani yepi den. Gi den wan di no man taki a Potogisi tongo ma di wani leri en, den sa seti sani gi wan alawiki les, wan yuru langa fu leri makriki Potogisi tongo. Disiten den kan yepi den sma di abi belangstelling na ini a veld fu di den o taki Sranantongo nanga den, bika moro furu sma di e taki Potogisi e taki Sranantongo tu.

¿Yu man gi a yepi disi?