„A Moro Koloku fu Gi Sani”
1 Yehovah na „a koloku Gado” (1 Tim. 1:11). Fu san ede? Wan prenspari reide skrifi na ini Yakobus 1:17: „Ibri bun presenti nanga ibri volmaakti kado e kon fu [En]”. A lusu-paiman, Bijbel, a santa yeye, a grani taki wi kan begi, a bradafasi na heri grontapu, a diniwroko, a howpu di wi abi taki wan nyun grontapu o kon — ala den sani disi na kefalek moi sani di wi kisi!
2 Te wi e meki muiti fu „waka baka na eksempre fu Gado”, dan wi abi furu okasi fu gi wi ten, wi krakti nanga den sani di wi abi (Ef. 5:1). Wi kan gi a moro bun sani di wi abi, te wi e preiki fayafaya, te wi e yepi fu bow zaal, te wi e gi bijdrage gi a Kownukondre wroko èn so moro fara. Yehovah e warderi disi srefisrefi èn a sa blesi wi bogobogo!—Odo 3:9, 10; Hebr. 6:10.
3 Den Buku fu Bijbel e gi wi deki-ati fu ’du ala den sani disi moro nanga moro’ (1 Tes. 4:1, 11). San na den sani di yu man du? Yu man du a pionierwroko? Noso yu kan gi yu nen fu du Bethelwroko? Te yu e begi fu a situwâsi fu yu, dan hori na prakseri taki, „a moro koloku fu gi sani”.—Tori. 20:35.