Overzicht gi a Theokrasia Diniwroko-skoro

Overzicht nanga tapu buku, di abi en fondamenti tapu a materiaal fu a Theokrasia Diniwroko-skoro fu den wiki fu 6 mei te nanga 19 augustus 2002. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.

[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]

Gi piki tapu ibriwan fu den fruklari di e kon now efu den bun noso fowtu:

1. Yeremia 18:1-6 e sori taki Yehovah e meki sma du sani di den no wani. [Alawiki leisipisi fu Bijbel; luku w99 1/4 blz. 22 par. 3, 4.]

2. Den falsi profeiti ben gi a pipel deki-ati fu arki leitori, na presi fu arki den tru warskow fu Gado. Na a fasi dati den ben meki den wortu fu Gado lasi krakti (Yer. 23:30). [Alawiki leisipisi fu Bijbel; luku wO92 1/2 blz. 4 par. 3.]

3. Yeremia 25:15, 16 e taki fu ’a kan disi fu a win fu atibron’ di e meki taki „ala den nâsi . . . [e] tyari densrefi leki lawman”. A tekst disi e sori taki falsi bribi e meki taki sma no man denki na wan krin fasi moro. [Alawiki leisipisi fu Bijbel; luku wO94 1/3 blz. 20 par. 13.]

4. Soleki fa Mateyus ben gebroiki den wortu fu a profeititori fu Yeremia, dan a ben sori taki „a kondre fu a feanti” na a kondre fu den dedewan. Na fu drape den yongu sma di Herodes a Bigiwan ben kiri o komoto nanga yepi fu wan opobaka (Yer. 31:15, 16; Mat. 2:17, 18). [Alawiki leisipisi fu Bijbel; luku wO79 1/10 blz. 18 par. 13.]

5. Yeremia 37:21 e gi wi a dyaranti taki Yehovah kan horibaka gi den getrow diniman fu en na ini muilek ten na ekonomia sei. [Alawiki leisipisi fu Bijbel; luku w97 15/9 blz. 3 par. 4–​blz. 4 par. 2.]

6. A buku Kragisingi e fruteri fa sma ben sari srefisrefi fu di Nebukadnesar, a kownu fu Babilon, ben pori Yerusalem na ini 607 b.G.T. [si-O blz. 130 par. 1]

7. Kragisingi 5:7 e sori krin taki Yehovah e strafu den pikin langalanga gi den sondu fu den papa nanga mama fu den. [Alawiki leisipisi fu Bijbel; luku wO88 1/9 faki na tapu blz. 27.]

8. A marki na tapu a fesi-ede di den e taki fu en na ini Esekièl 9:4 wani taki dati sabi wawan o frulusu wan sma. [Alawiki leisipisi fu Bijbel; luku wO88 15/9 blz. 14 par. 18.]

9. Den „presenti ini libisma” di Efeisesma 4:8 e taki fu den, na Kresten owruman. Den e poti na wroko nanga yepi fu santa yeye èn den e kisi a frantwortu fu sorgu bun gi den yeye afersi fu kompe-bribiman (Tori. 20:28). [w00 1/8 blz. 6 par. 3]

10. Efu wi e luku san den wortu fu Esekièl kapitel 23 wani taki na ini wi ten, dan wi kan agersi a Protestant Kerki nanga Oholiba èn a Lomsu Kerki wi kan agersi nanga Ohola, a bigi sisa fu Oholiba. [Alawiki leisipisi fu Bijbel; luku wO88 15/9 blz. 21 par. 22.]

Piki den aksi di e kon now:

11. Den muilek yari fu 617 te go miti 607 b.G.T. ben kon na wan kaba na ini 607 b.G.T., di Yerusalem ben kisi pori. Suma na den dri profeiti di ben de tumusi bun eksempre na ini den muilek yari dati? [si-O blz. 133 par. 2]

12. Fa wi kan sori taki wi e warderi a lusu-paiman fu Krestes trutru, te wi e luku a kari di wi e kisi na ini Lukas 9:23? [w00 15/3 blz. 8 par. 1]

13. Na sortu fasi Yehovah ben ’kori’ Yeremia? (Yer. 20:7) [Alawiki leisipisi fu Bijbel; luku wO89 1/5 blz. 31 par. 6.]

14. „A santa yeye . . . sa leri unu ala den sani èn a sa tyari ala den sani di mi ben fruteri unu, kon baka na ini un prakseri” (Yoh. 14:26). San Yesus ben wani taki nanga den wortu dati? [w00 1/4 blz. 8 par. 7, 8]

15. Sortu howpu Yeremia 35:18, 19 e gi a disiten Rekab grupu? [Alawiki leisipisi fu Bijbel; luku su-O blz. 131 par. 7.]

16. Na sortu fasi den Nefilim ben de „tranga man fu owruten” èn „man di ben pôpi”? (Gen. 6:4) [w00 15/4 blz. 28 par. 1]

17. Fa Baruk ben kon lasi a balansifasi di a ben abi na ini yeye afersi, èn san wi kan leri fu a sani di pasa nanga en? (Yer. 45:1-5) [Alawiki leisipisi fu Bijbel; luku w97 15/8 blz. 21 par. 14-16.]

18. Fa a profeititori fu Yeremia 50:38 ben kon tru, èn o ten dati ben pasa? [Alawiki leisipisi fu Bijbel; luku dp blz. 150 par. 2, 3.]

19. Te wi e luku Kragisingi 1:15, dan san den sani di ben pasa nanga Yerusalem, „a nyunwenke umapikin fu Yuda”, wani taki gi Krestenhèit? [Alawiki leisipisi fu Bijbel; luku wO88 1/9 faki na tapu blz. 27.]

20. Esekièl 21:26 e taki: „Puru na tai-ede fu yu ede, èn puru a kownu-ati.” San den wortu disi wani taki? [Alawiki leisipisi fu Bijbel; luku wO88 15/9 blz. 19 par. 16.]

Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:

21. Wan sma di de bescheiden no e pasa den ․․․․․․․ di abi fu du nanga bun ․․․․․․․ A e erken tu taki ․․․․․․․ a musu du èn taki ․․․․․․․ a man du (Mika 6:8). [w00 15/3 blz. 21 par. 1, 2]

22. Aladi santa yeye no e puru ․․․․․․․ kande, toku a kan yepi wi fu ․․․․․․․ te wi kisi tesi (1 Kor. 10:13; 2 Kor. 4:7). [w00 1/4 blz. 11 par. 6]

23. A profeiti Danièl ben kon frustan taki Yerusalem ben o tan leki wan broko pranasi ․․․․․․․ langa fu di Yeremia ben skrifi fu dati. A heri moi fasi fa a profeititori disi kon tru finifini e tranga a bribi fu wi na ini a makti di Yehovah abi fu taki ․․․․․․․ (Yer. 25:12; Dan. 9:2). [si-O blz. 129 par. 37]

24. A buku Kragisingi musu gi tru anbegiman tranga fu ․․․․․․․ èn fu hori a ․․․․․․․ fu den, aladi sma di e wisiwasi Yehovah Gado e kisi wan warskow di e ․․․․․․․ trutru. [si-O blz. 132 par. 13]

25. Abraham ben gi wan moi eksempre fu sakafasi di a ben musu lusu wan kesekese. Na eksempre fu en e gi wi deki-ati fu no gi pasi taki ․․․․․․․ noso ․․․․․․․ e pori a warti matifasi di wi abi nanga wi brada (Gen. 13:5-12). [w00 15/8 blz. 24 par. 3, 4]

Teki a yoisti piki na ini ibriwan fu den fruklari di e kon now:

26. Yob ben warderi a (sabi; sari-ati; krutu) fu Yehovah èn fu dati ede a ben handri (nanga a koni fu si sani krin; nanga sari-ati; na wan reti fasi) nanga den srafu fu en (Yob 31:13, 14). [w00 15/3 blz. 26 par. 1]

27. Ini Yeremia 16:2-4 a profeiti e kisi a komando fu no trow (fu sori taki a ben gi ensrefi dorodoro; fu prenki a Mesias di no ben o trow; fu sori taki san Yehovah ben taki fu a pori di Yerusalem ben o kisi pori, o kon tru). [Alawiki leisipisi fu Bijbel; luku wO78 1/9 blz. 15 par. 3.]

28. Na ini Odo 4:7, koni wani taki (fu kon sabi sani; fu si fa den tru tori abi fu du nanga makandra; fu gebroiki sabi nanga frustan na wan yoisti fasi). [w00 15/5 blz. 21 par. 1]

29. Nowan libisma man sabi krinkrin na sortu fasi den ben taki Gado nen ini Hebrewtongo, fu di den ben skrifi a Hebrewtongo fu Bijbel (soso nanga den letter a, e, i, o, u; sondro den letter a, e, i, o, u). [rs-O blz. 212 par. 1]

30. A wagi fu Gado di Esekièl e taki finifini fu en na ini kapitel 1, e prenki (a Kownukondre fu Gado nanga a Mesias leki a Kownu fu en; Yehovah organisâsi fu den engel; a fasi fa Yehovah e tyari sani kon na krin nanga yepi fu a fikapisi). [Alawiki leisipisi fu Bijbel; luku wO88 15/9 blz. 11 par. 5.]

Luku sortuwan fu den tekst di e kon now abi fu du nanga den sani di skrifi na ondrosei:

Deut. 7:25, 26; Odo 4:18; 5:21; Yer. 46:28; Rom. 15:4

31. A komando disi e sori wi fa a pipel fu Yehovah musu si den popki di kande den ben anbegi fosi. [rs-O blz. 63 par. 3]

32. Wan spesrutu sani di Yehovah e gebroiki fu trowstu sma, na en Wortu di skrifi èn di e fruteri fu wan tumusi moi howpu gi a tamara. [w00 15/4 blz. 5 par. 4]

33. Papa nanga mama no musu gi den pikin fu den trangaleri di e go tumusi fara, noso di e pasa a marki fu dati, bika a marki fu trangaleri na fu piri-ai èn fu gi leri. [Alawiki leisipisi fu Bijbel; luku kl blz. 148 par. 20.]

34. Fu di Yehovah e yepi en anbegiman fu frustan a prakseri fu en moro nanga moro, meki den musu tyari kenki kon ini a fasi fa den e si sani, te den kon sabi sani moro fini. [rs-O blz. 222 par. 2]

35. Awinsi nowan sma si taki wi e du sani di no fiti di abi fu du nanga seks, toku nowan fu den sani disi kibri gi den ai fu Gado. [w00 15/7 blz. 31 par. 4]