Syatu luku fu a Theokrasia Diniwroko-skoro
Wi sa abi wan takimakandra fu den aksi di e kon now na a Theokrasia Diniwroko-skoro. Wi sa du disi na ini a wiki fu 28 april 2003. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 3 maart te go miti 28 april 2003. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku tapu bladzijde 36, 37.]
FA FU TAKI MORO BUN
1. Sortu sani kan meki taki wan sma no man leisi noso taki grati? [be bladzijde 93]
2. Bun noso fowtu: Te yu e taki dan yu musu luku bun fu no wakti ibri tron baka fosi yu taki go doro, fu di dati kan puru a prakseri fu yu arkiman so taki den no e arki moro san yu e taki, èn dati kan meki taki den wani koti a tori fu yu. Fruklari fu san ede yu e piki so.
3. Fu san ede a prenspari te wan takiman noso wan leisiman e poti krakti tapu den yoisti wortu? (Neh. 8:8) [be bladzijde 101]
4. Fa wan sma kan leri fu poti krakti tapu den yoisti wortu? [be bladzijde 102, 103]
5. San na den moro prenspari sani di wan sma musu poti krakti na tapu te a e leisi gi trawan na wan bijbelstudie noso na wan gemeente konmakandra? [be bladzijde 105]
LEZING NR. 1
6. San papa nanga mama kan du fu leri den pikin, „so taki den kan arki èn so taki den kan leri” te den de na den Kresten konmakandra? (Deut. 31:12) [be bladzijde 16]
7. San na a paradijs na yeye fasi? [w01 1/3 bladzijde 8-10]
8. Fa Odo 8:1-3 e sori taki a koni fu Gado na wan sani di pikinmoro ala sma kan kisi? Pe wi kan feni a koni dati, soleki fa Kolosesma 2:3 e sori wi? [w01 15/3 bladzijde 25, 28]
9. Fa wi kan meki sma kon sabi a nen fu Gado? (Yoh. 17:6) [be bladzijde 273-275]
10. Sortu prenspari sani sma musu sabi, di abi fu du nanga ’a bun nyunsu fu a kownukondre’? (Mat. 24:14) [be bladzijde 279, 280]
ALAWIKI LEISIPISI FU BIJBEL
11. (a) San ben de a „tegu sani” na ini a fosi yarihondro, soleki fa Markus 13:14 e taki fu en? (b) San a ben wani taki dati a ben e „tanapu pe a no musu tanapu”?
12. Fa na Evangelie fu Lukas e sori taki Yesus ben de a sma di ben musu kisi a kownusturu fu David? (Luk. 3:23-38) [wO92 1/10 bladzijde 9 paragraaf 3]
13. San Yesus ben e suku fu leri sma nanga den wortu fu en na ini Lukas 12:2?
14. Fu san ede wi kan taki dati den engel tyari densrefi na wan tumusi aparti fasi, leki fa Yesus fruteri na ini na agersitori fu a drakmo (wan pisi moni)? (Luk. 15:10) Sortu krakti na eksempre fu den engel musu abi na wi tapu?
15. San na den tu frubontu di kari na ini Lukas 22:29?