Syatu luku fu a Theokrasia Diniwroko-skoro
Wi sa abi wan takimakandra fu den aksi di e kon now na a Theokrasia Diniwroko-skoro. Wi sa du disi na ini a wiki fu 27 oktober 2003. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 1 september te go miti 27 oktober 2003. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku tapu bladzijde 36, 37.]
FA FU TAKI MORO BUN
1. San a rai na 1 Timoteyus 2:9 wani taki di e sori taki wan sma musu weri „krosi di fiti”, èn fa a sani disi kan abi krakti tapu den takimakandra di wi e hori na tapu a podium noso na ini a preikiwroko? [be blz. 132 par. 3, 4]
2. Fa den gronprakseri di skrifi na 1 Yohanes 2:15-17, Efeisesma 2:2, nanga Romesma 15:3 musu abi krakti tapu a fasi fa wi e weri krosi èn a fasi fa wi e moi wisrefi? [be blz. 133 par. 1-3]
3. Fu san ede a de prenspari fu dwengi wi firi, èn fa wi kan dwengi wi firi te wi e taki fu a podium noso te wi e teki prati na a preikiwroko? [be blz. 135 a faki; blz. 136 par. 5, a faki]
4. Fa Yesus, leki „a getrow èn tru kotoigi”, gi wi na eksempre fu gebroiki a Bijbel na ini a preikiwroko? (Openb. 3:14) [be blz. 143 par. 2, 3]
5. San wi kan du fu gebroiki a Bijbel na wan moro bun fasi? (Tit. 1:9) [be blz. 144 par. 1, a faki]
LEZING NR. 1
6. San a wani taki fu studeri, èn san na wan tu fu den winimarki te wi e studeri Gado Wortu doronomo? [be blz. 27 par. 3; blz. 32 par. 3]
7. Soleki fa Yakobus 1:5, 6 e sori, dan san de tranga fanowdu te wi musu teki wan prenspari bosroiti? [w01 1/9 blz. 28 par. 4]
8. San na a nen gi wan prenspari dei noso wan prenspari ten na ini historia, èn fu san ede so wan dei noso ten de tumusi prenspari? [si-O blz. 282 par. 27]
9. Na sortu fasi „a sma di e taki takru fu trawan” na wan don sma? (Odo 10:18) [w01 15/9 blz. 25 par. 3]
10. Te libisma de na ini a nyun grontapu, dan fa den sa kon frustan moro krin fa Yehovah e si ten? [si-O blz. 283 par. 32]
ALAWIKI LEISIPISI FU BIJBEL
11. Bun noso fowtu: Na 1 Korentesma 2:9, na apostel Paulus e taki fu sani di Yehovah sreka leki wan gudu gi a getrow pipel fu en. Tyari disi kon na krin. [ip-2-O blz. 366 a faki]
12. Fu sortu tesi 1 Korentesma 10:13 e taki, èn fa Yehovah e ’opo a pasi fu komoto’ na ini den tesi dati? [wO91 1/10 blz. 10, 11 par. 11-14]
13. Yesus ben lobi fu gi sani. Sortu krakti na eksempre disi musu abi tapu Kresten? (2 Kor. 8:9) [wO92 15/1 blz. 16 par. 10]
14. Fa a Wet ben de wan „leriman di e tyari wi go na Krestes”? (Gal. 3:24) [w02 1/6 blz. 15 par. 11]
15. San na „den fondamenti sani fu grontapu” nanga san wi musu luku bun, so taki wi no e lasi pasi? (Kol. 2:8)