Wan tu sani

◼ Sani di wi sa pristeri na ini februari: Anbegi a wan-enkri tru Gado. Maart: Sabi di e tjari joe go na têgo libi. Wi sa meki spesrutu muiti fu bigin oso-bijbelstudie. Efu den ososma abi a publikâsi disi kaba, dan yu kan pristeri ¡Poti Prakseri na a Profeititori fu Danièl! April nanga mei: Pristeri A Waktitoren nanga Ontwaakt! Te yu e go baka na den sma di wani sabi moro, dan go baka na den sma di kon na a Memrefesa noso na tra konmakandra ma di no abi demakandra nanga na organisâsi doronomo. Meki muiti fu prati na Anbegi Gado-buku. Meki ala muiti fu bigin wan oso-bijbelstudie, spesrutu efu son sma ben studeri a Sabi-buku nanga a San Gado e aksi-brochure kaba.

◼ A fesiman opziener noso wan tra sma di a aksi fu du dati, musu luku den moni afersi fu a gemeente tapu 1 maart noso so esi leki a kan baka dati. Te disi du kaba, dan taki fu disi na ini a gemeente, baka te unu leisi a raportu fu moni afersi fu a mun di pasa. Leisi iniwan brifi di e sori taki a gemeente horibaka gi a wroko di e du na heri grontapu noso gi iniwan tra fonsu fu na organisâsi.

◼ A sekretarsi nanga a dienstopziener musu luku a wroko fu ala den gewoon pionier. Efu wan fu den pionier abi problema fu doro den yuru leki gewoon pionier, dan den owruman musu seti sani fu yepi en. Efu unu wani sabi fa fu du dati, dan unu kan luku den alayari S-201 brifi.

◼ A nen fu a spesrutu publikitaki di musu hori na a ten fu a Memrefesa fu 2004 sa de „Abi deki-ati èn frutrow tapu Yehovah”. Luku den sani di abi fu du nanga a publikitaki na ini Wi Kownukondre diniwroko fu september 2003.

◼ Bigin nanga februari èn no moro lati leki 7 maart, den kringopziener sa hori wan nyun publikitaki di nen „Den markitiki fu suma de prenspari gi yu?”