Syatu luku fu a Theokrasia Diniwroko-skoro
Wi sa abi wan takimakandra fu den aksi di e kon now na a Theokrasia Diniwroko-skoro. Wi sa du disi na ini a wiki fu 26 april 2004. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 1 maart te go miti 26 april 2004. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]
FA FU TAKI MORO BUN
1. Te wi e hori wan lezing, dan fu san ede a moro bun fu gebroiki wan schema, na presi taki wi e leisi fu wan papira pe wi skrifi ala sani di wi wani taki? [be blz. 166 par. 3]
2. Te wi e sreka wisrefi fu go na ini a preikiwroko, dan sortu sani wi musu prakseri fosi, so taki wi kan sabi soifri san wi wani taki? [be blz. 167 par. 2]
3. Gebroiki Tori fu den Apostel 13:16-41 nanga Tori fu den Apostel 17:2, 3, fu tyari kon na krin fa Paulus ’ben sori na wan fasi di no muilek fu frustan taki Yesus na a Krestes’ (Tori. 9:22). [be blz. 170 par. 2]
4. Sortu winimarki yu o abi te yu hori wan lezing sondro fu leisi en langalanga fu wan papira? [be blz. 175 par. 1-4]
5. Te wi e hori wan lezing sondro fu leisi en langalanga fu wan papira, dan nanga sortu sani wi musu luku bun, èn san kan yepi wi fu no du dati? [be blz. 175 par. 5–blz. 176 par. 3]
LEZING NR. 1
6. Akruderi a tori di skrifi na ini Genesis 32:24-32, dan san Yakob, di ben abi 97 yari, du fu kisi a blesi fu Yehovah, èn san wi e leri fu a sani disi? [w02 1/8 blz. 29-31]
7. San a wani taki fu „gebroiki wi frustan”, èn fa dati kan yepi wi fu no lasi-ati èn fu no teki sani tumusi hebi? (Odo 1:4) [w02 15/8 blz. 21, 22]
8. Fa publiki takiman kan meki taki den lezing fu den komoto fu den Buku fu Bijbel? [be blz. 52 par. 6–blz. 53 par. 5]
9. Sortu bosroiti wan takiman musu teki te a e gebroiki wan schema di e kari soso wan tu prenspari sani, fu hori wan lezing di e sori krin san Bijbel e taki? [be blz. 54 par. 2-4]
10. Fu san ede Yehovah ben meki den Israelsma nyan mana na ini a gran sabana ibri wiki, nanga ibri mun baka, èn san wi kan leri fu disi? (Deut. 8:16) [w02 1/9 blz. 30 par. 3, 4]
ALAWIKI LEISIPISI FU BIJBEL
11. Soleki fa Genesis 37:12-17 e sori, dan fa Yosef ben handri na a srefi fasi leki Yesus? [wO87 1/5 blz. 12 par. 12]
12. Soleki fa Genesis 42:25-35 e sori, dan fa Yosef ben sori sari-ati neleki fa Yesus ben sori dati? [wO87 1/5 blz. 18 par. 10; blz. 19 par. 17]
13. Fa den sani di a srafu grupu e sreka na ini a ten disi, gersi a prati di sma ben e prati tarwe na ini a ten fu Yosef? (Gen. 47:21-25)
14. San Yehovah ben tyari kon na krin fu en nen di a taki: „Mi sa sori fu de san mi sa sori fu de”? (Ex. 3:14, 15)
15. San na tu problema di kan kon te wan sma e tan kragi nomo, soleki fa Exodus 16:2, 3 e sori? [wO93 15/3 blz. 20, 21]