Wan tu sani

◼ Sani di wi sa pristeri na ini februari: Kon krosibei na Yehovah kan prati so furu leki a kan gi den bijbelstudie nanga den sma di wani sabi moro. Maart: Tan na ai! Efu sma wani sabi moro trutru, dan pristeri a Sabi-buku èn meki muiti fu bigin wan oso-bijbelstudie. April nanga mei: A Waktitoren nanga Ontwaakt! Te yu e go baka na den sma di wani sabi moro, dan go baka na den sma di kon na a Memrefesa noso na tra bigi konmakandra, ma di no abi demakandra nanga a gemeente doronomo. Meki muiti fu prati na Anbegi Gado-buku gi den. Yu musu abi a marki fu bigin oso-bijbelstudie, spesrutu efu son sma ben studeri a Sabi-buku nanga a San Gado e aksi-brochure kaba.

◼ A fesiman-opziener, noso wan tra sma di a aksi fu du dati, musu luku den moni afersi fu a gemeente tapu 1 maart, noso so esi leki a kan baka dati. Te disi du kaba, dan taki fu disi na ini a gemeente, baka te unu leisi a raportu fu moni afersi fu a mun di pasa.

◼ A sekretarsi nanga a dienst-opziener musu luku a wroko fu ala den gewoon pionier. Efu wan fu den gewoon pionier abi problema fu doro den yuru, dan den owruman musu seti sani fu yepi en. Efu unu wani sabi fa fu du dati, dan unu kan luku den alayari S-201 brifi.

◼ Bigin nanga februari èn no moro lati leki 6 maart, den kring-opziener sa hori wan nyun publikitaki di nen „Handri nanga koni na ini wan don grontapu”.

◼ A nen fu a spesrutu publikitaki di musu hori na a ten fu a Memrefesa fu 2005 sa de: „Fu san ede Yesus ben musu pina èn dede?” Luku den sani di ben meki bekènti kaba na ini Wi Kownukondre diniwroko fu september 2004.

◼ Ala sma sa musu de na a publiki konmakandra tapu sonde 20 maart, fu di wan spesrutu sani sa meki bekènti di abi fu du nanga wan nyun seti gi den preikiman.

◼ A bijkantoro no sa seni buku go gi wan preikiman di seni aksi fu dati. Ibri mun a fesiman opziener musu seti sani fu meki bekènti o ten a gemeente o seni aksi a bijkantoro den publikâsi di a gemeente abi fanowdu. Na so fasi den wan di abi wan sani fanowdu kan aksi a brada di de na a bukutafra fu seni aksi publikâsi gi den tu. Grantangi, hori na prakseri sortu publikâsi na den wan di sma kan kisi soso te den aksi fu dati.