Wan tu sani
◼ Sani di wi sa pristeri na ini maart: Tan na ai! Efu sma wani sabi moro trutru, dan pristeri a Sabi-buku èn meki muiti fu bigin wan bijbelstudie. April nanga mei: A Waktitoren nanga Ontwaakt! Te yu e go baka na den sma di wani sabi moro, èn sosrefi na den sma di ben kon na a Memrefesa noso na tra bigi konmakandra, ma di no abi demakandra nanga a gemeente doronomo. Meki muiti fu prati na Anbegi Gado-buku gi den. Abi a marki fu bigin wan bijbelstudie, spesrutu efu son sma ben studeri a Sabi-buku nanga a San Gado e aksi-brochure kaba. Yuni: Teki leri fu a Bigi Leriman. Efu den sma taki dati den no abi pikin, dan yu kan pristeri a Kolokoe osofamiri-buku, noso a Sabi-buku. Meki muiti fu bigin bijbelstudie.
◼ Den gemeente musu gi den preikiman den nyun Waktitoren nanga Ontwaakt! wantewante te den kisi den. Disi sa meki taki den preikiman kan leisi den artikel, bifo den sa pristeri den tijdschrift na ini a preikiwroko. Den preikiman musu kisi den Wi Kownukondre diniwroko wantewante tu, te den kon. Unu kan prati den na den Gemeente Bukustudie.
◼ Kande yu e seti sani fu go koiri na wan tra kondre èn a kan taki yu sa wani go na den gemeente konmakandra, wan kring konmakandra, noso wan distrikt kongres na ini a kondre dati. Efu dati de so, dan yu kan aksi a bijkantoro di e luku den afersi fu a kondre dati, fu fruteri yu o ten, o lati, èn pe den konmakandra dati e hori. Na adres fu den bijkantoro skrifi na tapu a lasti bladzijde fu a nyun Jaarboek.
◼ Den sekretarsi fu den difrenti gemeente musu sorgu taki nofo fu den papira de gi den sma di wani go na ini a gewoon-pionierwroko (S-205) nanga a yepi-pionierwroko (S-205b). Den kan seni aksi den sani disi na tapu wan fu den papira di nen Aanvraagformulier voor lectuur (S-14). Sorgu taki yu abi nofo fu ala den papira disi gi wan heri yari.
◼ A Memrefesa sa hori tapu fodewroko 24 maart 2005. Efu a gemeente fu yu gwenti fu abi den konmakandra tapu fodewroko, dan disi sa skoifi go na wan tra dei na ini a wiki, efu nowan enkri tra gemeente e gebroiki a Kownukondre zaal. Efu disi no man, èn efu yu no sa man hori a Diniwroko Konmakandra dati tapu wan tra dei, dan den pisi fu a konmakandra gi a wiki dati di abi spesrutu fu du nanga a gemeente fu yu, kan hori na wan tra Diniwroko Konmakandra.
◼ A nen fu a spesrutu publikitaki di musu hori na a ten fu a Memrefesa fu 2005 sa de: „Fu san ede Yesus ben musu pina èn dede?” Luku den sani di ben meki bekènti kaba na ini Wi Kownukondre diniwroko fu september 2004.
◼ Wan tu preikiman bel a bijkantoro fu aksi sani di abi fu du nanga son CD noso cassette di abi Kownukondre singi na tapu di sma e singi na wan pôpi fasi, èn di e prati na mindri den Kotoigi fu Yehovah nownowde. Den preikiman wani sabi efu na organisâsi gi primisi fu meki den poku disi. Wi sabi fu den poku disi, èn wi wani taigi unu taki na organisâsi no gi primisi fu meki den poku disi. Grantangi no prati den poku disi, èn no teki den poku disi fu na Internet. Wi e frutrow taki nanga den tori disi, wi tyari nofo sani kon na krin gi unu.