Syatu luku fu a Theokrasia Diniwroko-skoro

Wi sa abi wan takimakandra fu den aksi di e kon now na a Theokrasia Diniwroko-skoro. Wi sa du disi na ini a wiki fu 29 augustus 2005. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 4 yuli te go miti 29 augustus 2005. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.​—Luku na ini a Diniwroko-skoro-buku na tapu bladzijde 36, 37.]

FA FU TAKI MORO BUN

1. Te wi e prati a howpu di wi abi nanga trawan, dan fa wi kan „meki ala sma kon sabi taki unu man fiti unsrefi na trawan”, èn fu san ede disi de so prenspari? (Fil. 4:5; Yak. 3:17) [be blz. 251 par. 1-3, faki]

2. Te wi sabi o ten wi musu fiti wisrefi, dan fa dati kan yepi wi fu handri na wan bun fasi nanga trawan? [be blz. 253 par. 1, 2]

3. Fu san ede a de prenspari fu poti aksi na wan bun fasi te wi e yepi trawan fu taki-go-taki-kon fu wan tori? [be blz. 253 par. 3, 4]

4. Sortu sani wi musu hori na prakseri te wi wani overtoigi trawan taki den sani di wi e taki na tru tori? [be blz. 255 par. 1-4, faki; blz. 256 par. 1, faki]

5. San wi musu hori na prakseri efu wi e bosroiti fu gebroiki buweisi di no skrifi na ini Bijbel, ma di e sori taki san skrifi na ini Bijbel tru? [be blz. 256 par. 3-5, faki]

LEZING NR. 1

6. Sortu krin buweisi de di e sori taki Yesus ben libi trutru? [w03 15/6 blz. 4-7]

7. Fa ’a mofo fu den reti-atisma e frulusu den’, èn fa na oso fu den regtfardikiwan e „tan tanapu”? (Odo 12:6, 7) [w03 15/1 blz. 30 par. 1-3]

8. Furu wet no skrifi na ini Bijbel, ma fa wi kan tan „si krin san na a wani fu Yehovah”? (Ef. 5:17) [w03 1/12 blz. 21 par. 3–blz. 22 par. 3]

9. Na sortu Bijbel gronprakseri wan sma musu hori ensrefi fu man kakafutu gi pôtifasi, noso ekonomia problema? [w03 1/8 blz. 5 par. 3-6]

10. Yehovah e gi sani sondro fu fruwakti wan sani baka. Fa na eksempre disi musu abi krakti na wi tapu? (Mat. 10:8) [w03 1/8 blz. 20-22]

ALAWIKI LEISIPISI FU BIJBEL

11. Na a mofodoro fu a tempel di Salomo ben bow, tu pilari ben de, di nen Yakin nanga Boas. San den tu pilari ben wani taki? (1 Kow. 7:15-22)

12. A de so taki Salomo ben handri akruderi a Wet fu Moses di a gi Kownu Hiram fu Tirus 20 foto na ini a pisi kontren fu Galilea? (1 Kow. 9:10-13)

13. San wi kan leri fu „wan man fu Gado” di ben trangayesi Gado? (1 Kow. 13:1-25)

14. Na sortu fasi Kownu Asa fu Yuda sori taki a ben abi deki-ati, èn san wi kan leri fu na eksempre fu en? (1 Kow. 15:11-13)

15. Fa a tori fu Kownu Akab nanga Nabot e sori taki wi musu luku bun nanga a firi di wan sma kan abi fu sari ensrefi? (1 Kow. 21:1-16)