Wan tu sani
◼ Sani di wi sa pristeri na ini november: Teki leri fu a Bigi Leriman. Efu den ososma e taki dati den no abi pikin, dan yu kan pristeri a Sabi-buku noso a traktaat Yu Ben Sa Wani Sabi Moro fu Bijbel? December: A moro bigi man di oiti ben libi. Wan tra buku di wi kan pristeri na Joe kan libi foe têgo na ini wan paradijs na grontapoe. Yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru publikâsi disi di yu ben sa kan gebroiki. Efu ososma no wani wan fu den buku disi, dan yu kan pristeri a Tan na ai!-brochure. Februari: Kon krosibei na Yehovah kan prati so furu leki a kan gi bijbelstudie nanga sma di wani sabi moro. Efu yu e miti wan ososma fu a fosi leisi, dan yu kan pristeri a buku Joe kan libi foe têgo na ini wan paradijs na grontapoe.
◼ A fesiman-opziener, noso wan tra sma di a aksi fu du dati, musu luku den moni afersi fu a gemeente tapu 1 december noso so esi leki a kan baka dati. Efu a gemeente e gebroiki wan tra girorekening fu meki den sani di broko noso fu du bow-wroko, dan sani musu seti fu luku den moni afersi disi tu. Te disi du kaba, dan taki fu disi na ini a gemeente, baka te unu leisi a raportu fu moni afersi fu a mun di pasa.
◼ A tra leisi te den gemeente o seni aksi publikâsi, dan den musu bigin seni aksi den jaargang fu De Wachttoren nanga Ontwaakt! fu a yari 2005, èn sosrefi a Watchtower Library—2005 na tapu CD-ROM. Hori na prakseri taki a Watchtower Library—2005 na soso gi dopu memre fu a gemeente, èn den kan kisi dati soso nanga yepi fu a gemeente.
◼ Te wan sma gi wan tyèk èn a poti dati na a Kownukondre zaal na ini a bijdrage boksu, fu horibaka gi a preikiwroko di e du na heri grontapu noso gi a Kownukondre zaal fonsu, dan a sma musu skrifi a tyèk gi „Watch Tower”. Te wan sma e gi wan tyèk na den distrikt kongres noso te a e seni a tyèk go na a bijkantoro, dan a musu skrifi na tapu a tyèk „Watch Tower”. Na adres fu a bijkantoro na Garnizoenspad 239, Distrikt Wanica.
◼ Tapu wan fu den diniwroko konmakandra na ini yanuari, wi sa taki fu a video Transfusiealternatieven — De behoeften en rechten van de patiënt. Efu wan sma wani abi a video disi, dan a musu aksi dati nanga yepi fu a gemeente, so esi leki a kan.