Syatu luku fu a Theokrasia Diniwroko-skoro
Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 26 december 2005. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 7 november te go miti 26 december 2005. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]
FA FU TAKI MORO BUN
1. San wi kan du fu sorgu taki wi e frumane trawan ’fu di wi lobi den’? (Fileim. 9) [be blz. 266]
2. Na sortu fasi wi kan „frumane sma nanga a bun leri”? (Titus 1:9) [be blz. 267 par. 1, 2]
3. Fu san ede a de prenspari fu hori den lezing fu wi na wan fasi di e gi sma deki-ati, èn fa wi kan du dati? [be blz. 268 par. 1-3, faki]
4. Fa wi kan gi trawan deki-ati, neleki Moses, te wi e yepi den fu memre den sani di Yehovah du gi en pipel? (Deut. 3:28; 31:1-8) [be blz. 268 par. 5–blz. 269 par. 2]
5. Fu san ede den arkiman fu wi o kisi deki-ati te wi e taki na wan fasi di e sori taki wi e prisiri nanga den sani di Yehovah e du nownowde èn nanga den sani di a o du na ini a ten di e kon? [be blz. 270, 271]
LEZING NR. 1
6. San na a Septuaginta, èn fu san ede a de prenspari gi Kresten? [si-O blz. 307 par. 12–blz. 310 par. 14]
7. Suma ben de den Masoreetsma, èn sortu bun sani den ben du di ben yepi sma fu vertaal Bijbel? [si-O blz. 310 par. 18; blz. 311 par. 20, 21]
8. San na a moro prenspari buku di sma gebroiki fu vertaal den Hebrew Buku fu a Nyun Grontapu-vertaling na ini Ingrisitongo, èn fu san ede wi kan taki dati a vertaling disi de tru? [si-O blz. 312 par. 28, 30]
9. Fa den fosi Kresten sori taki den ben angri fu prati a Wortu fu Gado nanga tra sma? [si-O blz. 315 par. 1-5]
10. San den fositen dokumenti nanga tekst di sma feni fu den Santa Buku fu Bijbel, e sori wi? [si-O blz. 320 par. 32]
ALAWIKI LEISIPISI FU BIJBEL
11. A de so taki Yehovah no ben gi David pasi fu bow a tempel fu di a no ben lobi den feti di David feti? (1 Kron. 22:6-10)
12. Yehovah sabi san den futuboi fu en abi fanowdu leki grupu, ma a sabi tu san na a situwâsi fu ibriwan fu den sma di e frede en. Fa Salomo ben sori taki a sabi disi di a begi fu gi a tempel abra na Yehovah? (2 Kron. 6:29, 30)
13. San na „den ogri yeye di gersi bokoboko”, soleki fa skrifi na ini 2 Kroniki 11:15?
14. Baesa bigin tiri ’na ini a di fu dri yari di Asa ben de kownu’, èn Baesa tiri 24 yari nomo. Ma fa wi musu frustan a pisi dan di e taki dati Baesa ben go feti ’teige Yuda’ na ini a ’di fu dri tenti na siksi yari fu Asa’? (1 Kow. 15:33; 2 Kron. 16:1)
15. Fa wi kan agersi san skrifi na ini 2 Kroniki 20:22, 23 nanga san o pasa nanga a grontapu fu Satan?