Wan tu sani
◼ Sani di wi sa pristeri na ini december: A moro bigi man di oiti ben libi. Wan tra buku di wi kan pristeri na Joe kan libi foe têgo na ini wan paradijs na grontapoe. Yanuari: Iniwan fu den buku di tyari kon na doro bifo 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru publikâsi disi di yu kan gebroiki. Efu ososma no wani wan fu den buku disi, dan yu kan pristeri a Tan na ai!-brochure. Februari: A buku Kon krosibei na Yehovah, kan prati so furu leki a kan gi bijbelstudie nanga sma di wani sabi moro. Efu yu e miti wan ososma fu a fosi leisi, dan yu kan pristeri a buku Joe kan libi foe têgo na ini wan paradijs na grontapoe. Maart: San Bijbel e leri wi trutru? Meki muiti spesrutu fu bigin wan bijbelstudie.
◼ Heri esi wi o seni den karta fu kari sma kon na a Memrefesa gi a yari 2006, gi ibri gemeente. Den karta disi o seni kon na ini a tongo di moro furu sma na ini a gemeente e taki. Efu sma e taki tra tongo tu na ini a kontren fu a gemeente èn efu unu wani den karta disi na ini den tongo dati, dan un musu seni aksi den wantewante na tapu na Aanvraagformulier voor lectuur (S-14). Grantangi, seni aksi soso den tongo di yu abi fanowdu gi a kontren fu yu gemeente.
◼ A Memrefesa fu a yari 2007 sa de tapu munde 2 april, baka te son dongo. Wi e gi a dei disi fruku, so taki den brada kan bigin seti sani na fesi fu yuru wan tra zaal, efu difrenti gemeente e gebroiki a srefi Kownukondre zaal. Den owruman musu meki wan kruderi nanga den sma di abi a presi pe den yuru, taki nowan babari musu meki na ini tra pisi fu a gebow te a Memrefesa e hori. Disi sa meki taki sani waka na wan fasi di fiti èn taki nowan bruya o de.
◼ Fu di a Memrefesa na wan prenspari okasi, meki a skin fu owruman musu teki wan owruman nanga furu ondrofeni fu hori a lezing, na presi fu gi ibriwan fu den owruman wan okasi fu hori a lezing, noso fu gebroiki a srefi brada ibri yari baka. Efu wan owruman de di salfu èn di man hori a lezing, dan na en musu du dati.