Wan tu sani

◼ Sani di wi sa pristeri na ini yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru publikâsi disi di yu kan gebroiki. Efu ososma no wani wan fu den buku disi, dan yu kan pristeri a Tan na ai!-brochure. Februari: A buku Kon krosibei na Yehovah, kan prati so furu leki a kan gi bijbelstudie nanga sma di wani sabi moro. Efu yu e miti wan ososma fu a fosi leisi, dan yu kan pristeri a buku Joe kan libi foe têgo na ini wan paradijs na grontapoe. Maart: San Bijbel e leri wi trutru? Meki muiti spesrutu fu bigin wan bijbelstudie. April: A Waktitoren nanga Ontwaakt! Te yu e go baka na den sma di wani sabi moro, sosrefi den sma di kon na a Memrefesa noso na tra bigi konmakandra, ma di no abi demakandra nanga a gemeente doronomo. Meki muiti fu prati na Bijbel leri-buku gi den. Yu musu abi a marki fu bigin wan oso-bijbelstudie, nanga yepi fu a buku disi.

◼ Fu di april abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ Den gemeente musu seti sani bun fu kan hori a Memrefesa a yari disi tapu dridewroko 12 april, baka te son dongo. Aladi a lezing kan bigin moro fruku, toku den simbôl gi a Memrefesa no musu bigin prati bifo sondongo. Aksi sma di kan sabi o ten son e dongo na ini a kontren fu yu. A ben o moro bun taki ibri gemeente hori en eigi Memrefesa. Ma a no ala ten dati kan. Te wan tu gemeente gwenti fu gebroiki a srefi Kownukondre zaal, dan kande wán noso moro fu den kan hori a Memrefesa na wan tra presi a neti dati. Pe a kan, dan wi wani gi unu a rai fu no gebroiki moro mendri leki 40 miniti na mindri den tu programa, so taki ala sma sa man kisi wini dorodoro fu na okasi disi. Un musu hori a verkeer nanga parkeerpresi na prakseri, sosrefi den sma di e tyari trawan, noso di e kon teki trawan nanga wagi. A skin fu owruman musu bosroiti sortu seti sa de moro bun gi a gemeente pe den de na ini.

◼ Efu yu abi na prakseri fu go na wan tra kondre, èn yu sa wani go na den gemeente konmakandra, wan kring konmakandra, wan spesrutu dei konmakandra, noso wan distrikt kongres, na ini a kondre dati, dan yu kan aksi a bijkantoro di e luku den afersi fu a kondre dati, o ten, o lati, èn pe den konmakandra e hori. Na adres fu den bijkantoro skrifi na tapu a lasti bladzijde fu a Jaarboek di wi abi now.