Syatu luku fu a Theokrasia Diniwroko-skoro
Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 26 yuni 2006. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 1 mei te go miti 26 yuni 2006. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]
FA FU TAKI MORO BUN
1. San a wani taki fu kenki yu sten, èn fu san ede disi de prenspari? [be blz. 111, den faki]
2. Fa wi kan sabi o ten wi musu taki moro gaw noso moro slow te wi e hori wan lezing? [be blz. 112 par. 3-5–blz. 113 par. 1, faki]
3. San wi musu du fu man taki nanga faya te wi e hori wan lezing, èn fu san ede disi de prenspari? [be blz. 115 par. 1–blz. 116 par. 2, den faki]
4. Fu san ede wi musu abi switifasi te wi e gi trawan leri, èn san kan yepi wi fu sori a fasi disi? [be blz. 118 par. 2–blz. 119 par. 4]
5. Fruteri fu san ede a de prenspari fu gebroiki yu fesi nanga yu heri skin te yu e taki (Mat. 12:48, 49). [be blz. 121, den faki]
LEZING NR. 1
6. Fa a Bijbel buku Yob e prèise Yehovah, èn fa a buku e sori taki den regtfardiki markitiki di Gado gi wi fu gebroiki dati na ini wi libi, na den moro bun wan? [si-O blz. 100 par. 39, 41]
7. San e sori taki a Bijbel buku Psalm de soifri èn taki wi kan frutrow en? [si-O blz. 102 par. 10, 11]
8. Te Odo 13:16 e taki fu wan koni sma, dan a de so taki a e sori go na wan sma di e kori trawan? Fruklari dati. [w04 15/7 blz. 28 par. 3, 4]
9. Fa a santa yeye e yepi wi? San wi musu du, now di wi sabi disi? (Yoh. 14:25, 26) [be blz. 19 par. 2, 3]
10. Na sortu fasi Yesus e kon? Na sortu sani Yesus ben sori go di a taki na ini Mateyus16:28 dati a ben o „kon”? [w04 1/3 blz. 16 faki]
ALAWIKI LEISIPISI FU BIJBEL
11. San wi kan leri fu a piki di Yob ben gi Yehovah, soleki fa dati skrifi na ini Yob 42:1-6?
12. Fu sortu „soso sani” den kondre e tan krutukrutu? (Ps. 2:1, 2)
13. San na den fondamenti di den broko? (Ps. 11:3)
14. Sortu ’bigi paiman’ wan heimemre sma o kisi? (Ps. 31:23)
15. Sortu trowstu wi kan kisi fu Psalm 40, di kan yepi wi fu horidoro awinsi wi abi swakifasi fu di wi na sondusma, èn awinsi difrenti rampu e miti wi na ini a sistema disi? (Ps. 40:1, 2, 5, 12)