Syatu luku fu a Theokrasia Diniwroko-skoro — Waktitoren LIBRARY TAPU INTERNET

Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 28 augustus 2006. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 3 yuli te go miti 28 augustus 2006. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]

FA FU TAKI MORO BUN

1. Fu san ede wi e kon tron moro bun leriman, efu wi e luku sma te wi e taki nanga den? (Mat. 19:25, 26; Tori. 14:9, 10) [be blz. 124 par. 3–blz. 125 par. 3]

2. Fu san ede a de prenspari fu taki fa yu gwenti taki ala dei, èn san kan yepi wi fu taki na a fasi disi te wi e du a preikiwroko? [be blz. 128 par. 1-5, faki]

3. Fu san ede wi musu weri krin krosi èn sorgu wisrefi bun? [be blz. 131 par. 1-3]

4. Fu san ede ’lespekifasi nanga krin frustan’ de fanowdu te wi e weri krosi èn e moi wisrefi? (1 Tim. 2:9) [be blz. 131 par. 4–blz. 132 par. 1]

5. Na sortu Bijbel gronprakseri wi musu hori wisrefi fu de seiker taki wi no e pristeri wisrefi na wan fasi di e sori taki wi lobi grontapu? [be blz. 133 par. 2, 3]

LEZING NR. 1

6. San na a moro bigi wini di yu kan kisi te yu sabi leisi? [be blz. 21 par. 3]

7. San e meki taki wan sma koni, noso don? (Odo 14:2) [w04 15/11 blz. 26 par. 5]

8. Fu san ede ’sabi na wan makriki sani gi wan sma di abi frustan’? (Odo 14:6) [w04 15/11 blz. 28 par. 4, 5]

9. San a wani taki fu studeri? [be blz. 27 par. 3]

10. Te wi e prakseri dipi fu den sani di Yehovah meki, dan fa dati musu abi krakti na wi tapu? [w04 15/11 blz. 8 par. 4]

ALAWIKI LEISIPISI FU BIJBEL

11. Na ini owruten Yehovah ’gi a wortu’ di abi leki bakapisi taki „den umasma di e fruteri a bun nyunsu” kon tron wan bigi legre. Fa Gado ben gi a wortu èn fa disi e kon tru na ini a ten disi? (Ps. 68:11)

12. Pikinmoro Asaf ben tapu fu du san reti. Fa dati du kon, èn fa a denki fu en ben kenki? (Ps. 73:2, 3, 17)

13. Fu san ede Bijbel e kari a mana di den Israelsma ben kisi „a nyanyan fu hemel” èn „a brede fu den maktiwan”? (Ps. 78:24, 25)

14. San na „a kibripresi fu a Moro Heiwan”, èn fa wi kan ’tan’ drape? (Ps. 91:1, 2)

15. Na sortu fasi a dede fu den loyaalwan fu Yehovah warti na ini en ai? (Ps. 116:15)