Wan tu sani

◼ Sani di wi sa pristeri na ini oktober: A Waktitoren nanga na Ontwaakt! Pristeri a Tan na ai!-brochure te sma wani sabi moro. November: Teki leri fu a Bigi Leriman. Efu sma taki dati den no abi pikin, dan yu kan pristeri a traktaat Yu Ben Sa Wani Sabi Moro fu Bijbel? noso wan tra traktaat di fiti. December: A moro bigi man di oiti ben libi. Wan tra buku di wi kan pristeri na Mi buku nanga Bijbel tori noso Joe kan libi foe têgo na ini wan paradijs na grontapoe. Yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru publikâsi disi di yu kan gebroiki. Efu den owru buku disi no de fu feni moro, dan yu kan pristeri a Sabi-buku noso a Tan na ai!-brochure.

◼ Fu di december abi feifi satra nanga sonde, meki a ben o de wan bun sani fu go na ini a yepi-pionierwroko a mun dati.

◼ A „Schema gi a Theokrasia diniwroko-skoro fu 2007” de na ini na inibere pisi fu Wi Kownukondre diniwroko fu a mun disi. Grantangi kibri a papira disi so taki yu kan gebroiki en na ini 2007.

◼ Na ini yanuari wi sa taki fu a video Geen bloed — De geneeskunde kan de uitdaging aan, na a Diniwroko Konmakandra. Efu sma wani a video noso a DVD disi, dan den musu aksi disi wantewante na ini a gemeente.

◼ A spesrutu publikitaki di musu hori na a ten fu a Memrefesa fu 2007, sa hori tapu sonde 15 april. Bakaten a nen fu a publikitaki sa meki bekènti. Den gemeente di a kring-opziener e fisiti a wiki dati, noso den gemeente di abi wan kring konmakandra noso wan spesrutu dei konmakandra tapu a satra noso a sonde fu a wiki dati, o abi a spesrutu publikitaki a wiki na baka. Nowan gemeente musu hori a spesrutu publikitaki bifo sonde 15 april 2007.