Syatu luku fu a Theokrasia Diniwroko-skoro

Na a Theokrasia Diniwroko-skoro, wi sa abi wan takimakandra fu den aksi di e kon now. Wi sa du disi na ini a wiki fu 25 december 2006. A skoro-opziener sa teki 30 miniti fu luku baka san wi ben leri fu den lezing di ben hori na ini den wiki fu 6 november te go miti 25 december 2006. [Wan sani: Efu noti no skrifi baka na aksi, dan yusrefi sa abi fu suku a piki na ini den difrenti publikâsi.—Luku na ini a Diniwroko-skoro-buku na tapu bladzijde 36, 37.]

FA FU TAKI MORO BUN

1. Fa wi o sabi san wi musu taki, fosi wi o leisi wan tekst? [be blz. 148 par. 4–blz. 149 par. 1]

2. San wi kan du fu poti a yoisti krakti tapu den sani di wi e taki? [be blz. 151 par. 4–blz. 152 par. 3]

3. Wi sabi taki a de wan seryusu sani fu leri trawan san skrifi na ini Gado Wortu, sobun san wi musu du te wi wani „gebroiki a wortu fu waarheid na wan reti fasi”? (2 Tim. 2:15) [be blz. 153 par. 1-3, faki; blz. 154 par. 1, 2]

4. Fa wi kan sori sma fa fu gebroiki wan tekst di wi e leisi? [be blz. 154 par. 4–blz. 155 par. 3]

5. Fu san ede a de prenspari fu sori sma fa den kan kisi wini fu den sani di wi e taki, èn san na wan tu fasi fa wi kan du dati? [be blz. 157 par. 1-4, faki; blz. 158 par. 1]

LEZING NR. 1

6. Fu san ede wi kan taki dati Salomo ben de wan sma di tyari sani kon na wán? [si-O blz. 112 par. 1-3]

7. Fa a buku Preikiman e kruderi nanga den sani di Yesus ben leri? [si-O blz. 114 par. 16]

8. Sortu buweisi wi abi taki a buku Singi fu Salomo de wan pisi fu Bijbel trutru? [si-O blz. 115 par. 3-4]

9. Fa a Dede Se Lolo fu Yesaya e buweisi taki den sani di skrifi na ini a disiten Bijbel de a srefi leki den sani di Gado ben meki sma skrifi fositen? [si-O blz. 118 par. 6]

10. San kan yepi wan takiman fu no skrifi tumusi furu sani na tapu papira? [be blz. 42 par. 2]

ALAWIKI LEISIPISI FU BIJBEL

11. Fa a du kon taki „den wan di e suku Yehovah, man frustan ala sani”? (Odo 28:5)

12. Fa a du kon taki „a tranga wroko fu donsma e meki den kon weri”? (Preik. 10:15)

13. Fa a yongu uma fu Sulem ben sori taki a de leki „wan dyari di abi wan portu di e tapu bun”? Fa a de wan bun eksempre gi Kresten uma di no trow? (Singi. 4:12)

14. Yehovah ben gi den Israelsma wan kari fu „poti sani kon reti”. Ma a de so, taki a ben wani abi wan takimakandra nanga en pipel fu luku sortu kruderi a ben kan meki nanga den? (Yes. 1:18a)

15. Fa Yesaya 11:6-9 ben kon tru na ini owruten, èn san na a moro prenspari fasi fa a o kon tru?