Wan tu sani
◼ Sani di wi sa pristeri na ini yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru buku disi di yu kan gebroiki. Efu den owru buku disi no de fu feni moro, dan yu kan pristeri a Sabi-buku noso a Tan na ai!-brochure. Februari: A buku Kon krosibei na Yehovah kan prati so furu leki a kan gi bijbelstudenti nanga sma di wani sabi moro. Yu kan pristeri a buku Joe kan libi foe têgo na ini wan paradijs na grontapoe gi ala sma. Maart: San Bijbel e leri wi trutru? Meki muiti spesrutu fu bigin wan bijbelstudie. April: A Waktitoren nanga Ontwaakt! Go baka na den sma di wani sabi moro, sosrefi den sma di kon na a Memrefesa noso na tra bigi konmakandra, ma di no abi demakandra nanga a gemeente doronomo. Te yu e go na den sma disi, dan yu musu meki muiti fu bigin wan oso-bijbelstudie nanga a Bijbel leri-buku.
◼ Den gemeente musu seti sani bun fu kan hori a Memrefesa tapu munde 2 april fu a yari disi, baka te son dongo. A lezing kan bigin moro fruku, ma den simbôl gi a Memrefesa no musu bigin prati bifo sondongo. Ondrosuku o lati a son e dongo na ini a kontren fu yu. A ben o moro bun taki ibri gemeente hori en eigi Memrefesa. Ma a no ala ten dati kan. Te wan tu gemeente gwenti fu gebroiki a srefi Kownukondre zaal, dan kande wán noso moro fu den gemeente kan hori a Memrefesa na wan tra presi a neti dati. Pe a kan, dan wi wani gi unu a rai fu no gebroiki moro mendri leki 40 miniti na mindri den tu programa, so taki ala sma kan kisi wini fu a demakandra di den sa abi baka a Memrefesa. Un musu luku sosrefi pe unu o poti den wagi, noso pe unu o meki den wagi stop fu saka sma noso fu meki sma kon na ini den wagi. A skin fu owruman musu bosroiti sortu seti na a moro bun seti gi a gemeente fu den.
◼ A gemeente sekretarsi musu luku efu ibri gewoon pionier na ini a gemeente abi wan brifi di e sori taki a poti leki pionier (S-202). Efu dati no de so, dan a musu skrifi a bijkantoro.