Wan tu sani

◼ Sani di wi sa pristeri na ini oktober: A Waktitoren nanga Ontwaakt! Efu sma wani sabi moro fu Bijbel, dan yu kan gi den a traktaat Yu Ben Sa Wani Sabi Moro fu Bijbel? Taki nanga den fu a traktaat disi so taki yu kan bigin wan bijbelstudie. November: Teki leri fu a Bigi Leriman. Efu sma taki dati den no abi pikin, dan yu kan pristeri a Tan na ai!-brochure. December: Sabi di e tjari joe go na têgo libi. Noso yu kan pristeri a buku A sroto gi wan kolokoe osofamiri. Yanuari: Iniwan fu den buku di tyari kon na doro bifo a yari 1991, èn di de fu kisi ete na ini a gemeente. Efu den buku disi no de fu kisi moro na ini yu gemeente, dan grantangi luku efu wan tra gemeente abi wan tu fu den owru buku disi di yu kan gebroiki. Efu den owru buku disi no de fu kisi moro, dan yu kan pristeri a Sabi-buku noso a Tan na ai!-brochure.

◼ Fu di a mun december abi feifi satra nanga feifi sonde, meki a ben o bun fu go na ini a yepi pionierwroko.

◼ Na wan fu den Diniwroko Konmakandra na ini yanuari 2008, wi o taki fu a felem Transfusiealternatieven — De behoeften en rechten van de patiënt. Efu a de fanowdu, dan preikiman kan seni aksi a DVD disi, ma den no musu wakti tumusi langa fu du dati.

◼ „A Schema gi a Theokrasia diniwroko-skoro fu 2008” de na ini na inibere pisi fu Wi Kownukondre diniwroko fu a mun disi. Grantangi, kibri a papira disi so taki yu kan gebroiki en na ini 2008.

◼ Grantangi, hori na prakseri taki a brada di abi a lasti prati na a Diniwroko Konmakandra musu kari a lasti singi. Baka dati a brada disi, noso wan tra lepi brada di den ben aksi na fesi, kan tapu nanga begi.